உங்கள் மாவட்டத்தைத் தேர்வுசெய்க

    UP Elections: اکھلیش یادو کے گڑھ میں 'اکھلیش یادو' کے خلاف اسد الدین اویسی نے چل دیا بڑا داو، جانئے پورا معاملہ

    UP Elections: اکھلیش یادو کے گڑھ میں 'اکھلیش یادو' کے خلاف اسد الدین اویسی نے چل دیا بڑا داو، جانئے پورا معاملہ

    UP Elections: اکھلیش یادو کے گڑھ میں 'اکھلیش یادو' کے خلاف اسد الدین اویسی نے چل دیا بڑا داو، جانئے پورا معاملہ

    UP Election 2022: یوپی کے اعظم گڑھ (Azamgarh) کی مبارک پور سیٹ (Mubarakpur Assembly Seat) سے اسد الدین اویسی نے اس کو امیدوار بنایا ہے ، جس نے کبھی اس سیٹ پر ٹکٹ کیلئے سماجوادی پارٹی کا دروازہ کھٹکھٹایا تھا ۔ مبارک پور سیٹ سے اویسی کی پارٹی اے آئی ایم آئی ایم نے شاہ عالم عرف گڈو جمالی کو اپنا امیدوار بناکر مقابلے کو مزید دلچسپ بنادیا ہے ۔

    • Share this:
      اعظم گڑھ : اترپردیش اسمبلی انتخابات میں سماجوادی پارٹی کے صدر اکھلیش یادو (Akhilesh Yadav) کے گڑھ میں اسد الدین اویسی  (Asaduddin Owaisi) نے بڑا داو چل دیا ہے ۔ یوپی کے اعظم گڑھ (Azamgarh) کی مبارک پور سیٹ (Mubarakpur Assembly Seat) سے اسد الدین اویسی نے اس کو امیدوار بنایا ہے ، جس نے کبھی اس سیٹ پر ٹکٹ کیلئے سماجوادی پارٹی کا دروازہ کھٹکھٹایا تھا ۔ مبارک پور سیٹ سے اویسی کی پارٹی اے آئی ایم آئی ایم نے شاہ عالم عرف گڈو جمالی کو اپنا امیدوار بناکر مقابلے کو مزید دلچسپ بنادیا ہے ۔

      دراصل اسد الدین اویسی کی پارٹی آل انڈیا مجلس اتحاد المسلمین نے اپنے امیدواروں کی چودہویں فہرست جاری کی ہے ، جس میں 10 سیٹوں پر امیدواروں کے ناموں کا اعلان کیا گیا ہے ۔ اے آئی ایم آئی ایم کی اس فہرست میں ایک سیٹ پر ہندو امیدوار تو دیگر نو پر مسلم امیدواروں کو ٹکٹ دیا گیا ہے ۔ اسی فہرست میں اعظم گڑھ کی مبارک پور سیٹ سے شاہ عالم کا نام ہے ۔



      شاہ عالم عرف گڈو جمالی مبارک پور اسمبلی سیٹ سے مسلسل دو مرتبہ سے ممبر اسمبلی ہیں ۔ انہوں نے دو ماہ پہلے اپنے سبھی عہدوں سے استعفی دے کر مایا وتی کی پارٹی بی ایس پی کا دامن چھوڑ دیا تھا ۔ حالانکہ انہوں نے سب سے پہلے سماجوادی پارٹی کا دروازہ کھٹکھٹایا تھا ، مگر سماجوادی پارٹی کے قومی صدر اکھلیش یادو سے بات نہیں بننے پر گڈو جمالی اویسی کی پناہ میں چلے گئے تھے ۔

      مانا جارہا ہے کہ اویسی کی پارٹی سے شاہ عالم عرف گڈو جمالی کے میدان میں آنے سے مبارک پور اسمبلی سیٹ کا حساب کتاب بدل جائے گا ، کیونکہ اس سیٹ پر بی ایس پی نے جہاں عبد السلام تو سماجوادی پارٹی نے اکھلیش یادو پر داو لگایا ہے ۔ یہاں یہ بتانا ضروری ہے کہ یہ اکھلیش یادو ایس پی کے سربراہ نہیں ہیں ، بلکہ پارٹی کے ہی ایک دیگر لیڈر ہیں ۔
      Published by:Imtiyaz Saqibe
      First published: