ایس بی آئی نے صارفین کو کیا خبردار ، جلد اپنائیں یہ طریقہ ورنہ خالی ہوجائے گا بینک اکاونٹ

اگر آپ کا اسٹیٹ بینک آف انڈیا میں اکاونٹ ہے تو یہ خبر آپ کیلئے بہت ضروری ہے ۔

Oct 28, 2019 07:24 PM IST | Updated on: Oct 28, 2019 07:31 PM IST
ایس بی آئی نے صارفین کو کیا خبردار ، جلد اپنائیں یہ طریقہ ورنہ خالی ہوجائے گا بینک اکاونٹ

ایس بی آئی نے صارفین کو کیا خبردار ، جلد اپنائیں یہ طریقہ ورنہ خالی ہوجائے گا بینک اکاونٹ

اگر آپ کا اسٹیٹ بینک آف انڈیا میں اکاونٹ ہے تو یہ خبر آپ کیلئے بہت ضروری ہے ۔ کیونکہ آج کل انٹرنیٹ سے پیسہ چوری کے معاملات میں کافی اضافہ دیکھنے کو مل رہا ہے ۔ لوگوں کے بینک اکاونٹ خالی کئے جارہے ہیں ، جس کی وجہ سے اسٹیٹ بینک آف انڈیا نے اب لوگوں کو خبردار کیا ہے ۔

ایس بی آئی نے اپنی ویب سائٹ پر ایک خاص قسم کی چوری کی جانکاری دی ہے ۔ اس کا نام فشنگ ہے ۔ فشنگ ایک قسم کی انٹرنیٹ چوری ہے ۔ اس کا استعمال خفیہ مالی معلومات جیسے بینک اکاونٹ نمبر ، نیٹ بینکنگ پاس ورڈ ، کریڈٹ کارڈ نمبر ، ذاتی شناخت کی تفصیلات وغیرہ چوری کرنے کیلئے کیا جاتا ہے ۔ ہیکرس بعد میں ان معلومات کا استعمال کرکے متاثرہ شخص کے اکاونٹ سے پیسہ نکالنے یا اس کے کریڈٹ کارڈس کو بلوں کی ادائیگی کیلئے استعمال کرسکتا ہے ۔

Loading...

کیا ہے فشنگ چوری

فشنگ چوری میں صارفین کی ذاتی شناخت کا ڈیٹا اور مالی کھاتوں کی جانکاری چرانے کیلئے سوشل انجینئرنگ اور تکنیکی جعل سازی دونوں ہی کا استعمال کیا جاتا ہے ۔ انٹرنیٹ بینکنگ یوزرس کو جعل سازی والا ای میل موصول ہوتا ہے ، جو ویلڈ انٹرنیٹ ایڈریس سے آیا ہوا نظر آتا ہے ۔

یوزرس کو ای میل میں دستیاب کروائے گئے ہائیپر لنک پر کلک کرنے کیلئے کہا جاتا ہے ۔ یوزر جیسے ہی ہائیپر لنک پر کلک کرتا ہے ، تو اس کے سامنے ایک فرضی ویب سائٹ کھل جاتی ہے جو کہ حقیقی ویب سائٹ جیسی ہی نظر آتی ہے ۔ عام طور پر ای میل میں یا تو کچھ کارروائی پوری کرنے پر انعام یا پوری نہ کرنے پر جرمانہ کی وارننگ دی جاتی ہے ۔

یوزرس کو خفیہ جانکاری جیسے لاگ ان ، پروفائل یا لین دین پاس ورڈ اور بینک اکاونٹ نمبر وغیرہ دینے کیلئے کہا جاتا ہے ۔ یوزر خود اعتمادی میں جانکاری دیدیتا ہے اور سبمٹ بٹن پر کلک کرتا ہے ۔ یوزر کے سامنے ایرر پیج آجاتا ہے اور اس طرح یوزر فشنگ حملہ کی زد میں آجاتا ہے۔

Loading...