سرسا: باپ کی حیوانیت کا شکار ہوئی 14 سالہ بچی نےقبل ازوقت بچی کودیا جنم، نوزائیدہ کی حالت نازک

سرسا: ایک درندہ باپ کےذریعہ اپنی ہی 14 سال کی بیٹی سے 6 ماہ پہلے کی گئی حیوانیت اوردرندگی کے بعد بیٹی نےایک پری میچیوربچی کوجنم دیا ہے۔(قبل ازوقت پیدائش ہوئی ہے)۔ فی الحال زچہ اوربچہ دونوں اسپتال میں داخل ہیں، جہاں بچی کی حالت نازک بتائی جا رہی ہے۔ حالانکہ پولیس نے نابالغ کی شکایت پرملزم باپ کے خلاف معاملہ درج کرکےاسے اکتوبرماہ میں ہی گرفتارکرلیا تھا۔ بچی کی دیکھ بھال اب محکمہ صحت کے ساتھ ساتھ بال  محکمہ فلاح وبہبود کرے گا۔

نابالغ کی ڈلیوری (پیدائش) ہونےکی اطلاع ملنے پرچائلڈ ویلفیئرکمیٹی کےعہدیداران اسپتال پہنچے۔ نابالغ اوراس کےاہل خانہ نے نوزائیدہ بچی کوکمیٹی کوسونپ دیا گیا ہے۔ اب نوزائیدہ بچی چائلڈ ویلفیئرکمیٹی کی نگرانی اورمحکمہ صحت کی دیکھ بھال میں کچھ وقت تک اسپتال میں رہےگی۔ اگرکوئی فیملی یا شخص بچی کوگود لینا چاہےگا توقانونی کارروائی کومکمل کر کےبچی کوگود دے دیا جائےگا۔ اس معاملے میں سرسا محکمہ صحت کےافسران ایس ایم اور ایم کشن دہیا نے بتایا کہ نابالغ بچی کی ڈلیوری ہوئی ہے، جس میں اس نےایک بچی کوجنم دیا ہے۔ بچی کی حالت نازک ہے جبکہ اس کی ماں ٹھیک ہے۔