یوپی میں 17 سال کے درندے نے تین ماہ کی معصوم بچی کے ساتھ کی آبروریزی، حالت نازک

ایٹہ: اترپردیش (Uttar Pradesh) کے ایٹہ (Etah) ضلع میں پیر کے روز ایک 3 ماہ کی بچی سے آبروریزی (Rape) کا معاملہ سامنے آیا ہے۔ ایس پی او پی سنگھ کے مطابق، 17 سال کے ایک لڑکے نے موقع دیکھ کر تین ماہ کی بچی کے ساتھ آبروریزی کی ہے۔ لڑکے نے مبینہ طور پر بچی کے ساتھ اس وقت آبروریزی کی، جب اس کی ماں بھینس باندھنے گئی ہوئی تھی۔ واردات کو انجام دے کر ملزم موقع سے فرار ہوگیا، جس کی تلاش کی جارہی ہے۔ پولیس نے آئی پی سی کی دفعہ 376 اور جنسی جرائم سے بچوں کے تحفظ (POCSO) ایکٹ کی متعلقہ دفعات کے تحت معاملہ درج کیا ہے۔ ملزم کو پکڑنے کے لئے چار ٹیمیں لگائی گئی ہیں۔

موصولہ اطلاعات کے مطابق، بچی کی شرمگاہ میں سنگین چوٹیں آئی ہیں۔ بچی کے اہل خانہ نے معصوم کو علاج کے لئے ضلع اسپتال میں داخل کرایا ہے۔ ملزم لڑکا حادثہ کو انجام دینے کے بعد سے ہی فرار چل رہا ہے۔ متاثرہ بچی کی ماں نے بتایا کہ ملزم نوجوان معصوم بچی کے ساتھ کھیلنے کے بہانے اسے اپنے ساتھ لے گیا تھا۔ اس نے جھاڑیوں میں لے جاکر بچی کے ساتھ آبروریزی کی۔ گاوں کی ہی ایک دیگر عینی شاہد خاتون نے بتایا کہ معصوم بچی کے رونے کی آواز انہوں نے سنی تو موقع پر پہنچیں۔ جاکر دیکھا کہ لڑکا اپنے خون میں لت پت کپڑوں کو پانی سے دھونے کی کوشش کر رہا تھا۔

One 3-month girl allegedly raped by a man in Bagwala area of Etah.

The incident has been brought to our notice; case registered. Accused still absonding, four teams have been formed to arrest the accused: Etah ASP OP Singh pic.twitter.com/pb87UDNc4U

— ANI UP (@ANINewsUP) August 16, 2021

ملزم کو دبوچنے کے لئے چار ٹیمیں لگائی گئیں

خاتون کے پوچھنے پر وہ نوجوان بھاگ گیا۔ اے ایس پی اوپی سنگھ نے بتایا کہ ملزم کے خلاف ایف آئی آر درج کرلی گئی ہے۔ ملزم کو پکڑنے کے لئے چار ٹیمیں لگائی گئی ہیں۔ پولیس جلدی ہی ملزم کو گرفتار کرلے گی، اس کی تلاش میں زبردست چھاپہ ماری کی جارہی ہے۔ حادثہ کے بعد متاثرہ فیملی دہشت میں ہے۔