உங்கள் மாவட்டத்தைத் தேர்வுசெய்க

    چار ریاستوں میں زبردست جیت کے باوجود راجیہ سبھا میں اکثریت سے دور رہے گی BJP، عام آدمی پارٹی کے بڑھیں گے ایم پی

    راجیہ سبھا میں بڑھے گی سماج وادی پارٹی اور عام آدمی پارٹی کی طاقت۔

    راجیہ سبھا میں بڑھے گی سماج وادی پارٹی اور عام آدمی پارٹی کی طاقت۔

    اس وقت راجیہ سبھا میں بی جے پی کے پاس کل 97 سیٹیں ہیں۔ اتحادی جماعتوں کے ساتھ یہ تعداد 114 ہے، لیکن اپنے طور پر بی جے پی اب بھی اکثریت کے اعداد و شمار سے دور ہے۔ اتر پردیش میں پارٹی کی سیٹیں پچھلی بار کے مقابلے کم ہوئی ہیں جس کا اثر راجیہ سبھا کی سیٹوں پر پڑے گا۔ ساتھ ہی اتراکھنڈ میں بی جے پی کی سیٹیں بھی کم ہوئی ہیں۔

    • Share this:
      نئی دہلی: پانچ ریاستوں کے اسمبلی انتخابات(Assembly Elections Results) کے نتائج آ چکے ہیں۔ بھارتیہ جنتا پارٹی (BJP) نے سب سے بڑی ریاست اتر پردیش سمیت اتراکھنڈ، منی پور اور گوا میں کامیابی حاصل کی ہے۔ دوسری جانب عام آدمی پارٹی (AAP) نے پنجاب میں یکطرفہ کامیابی حاصل کی ہے۔ پانچ ریاستوں کے نتائج کا اثر راجیہ سبھا (Rajya Sabha) کی سیٹوں پر صاف نظر آئے گا۔ چار ریاستوں میں جیت کے باوجود بی جے پی پارلیمنٹ کے ایوان زیریں میں نمبروں سے دور رہے گی۔ دوسری جانب پنجاب میں جیت کا فائدہ عام آدمی پارٹی کو ملے گا۔ سماج وادی پارٹی بھلے ہی اتر پردیش میں ہار گئی ہو، لیکن راجیہ سبھا میں پچھلی بار سے زیادہ سیٹیں جیتنے کا فائدہ انہیں ملنے والا ہے۔

      2022 میں راجیہ سبھا کے 75 ممبران اپنی مدت پوری کر رہے ہیں۔ اس میں 7 نامزد ارکان بھی شامل ہیں، جب کہ کرناٹک اور بہار میں ایک ایک سیٹ خالی ہے۔ اس مہینے کی 31 تاریخ کو 6 ریاستوں میں راجیہ سبھا کی 13 سیٹوں کے لیے انتخابات ہونے جا رہے ہیں، جن میں سے 5 سیٹیں صرف پنجاب کی ہیں۔ اس کے علاوہ کیرالہ میں تین، آسام میں دو، ہماچل پردیش، تریپورہ اور ناگالینڈ میں ایک ایک سیٹ شامل ہے۔

      یہ بھی پڑھیں:
      Punjab Assembly Elections 2022: پنجاب میں کلین سوئپ کے بعدشیئرہو رہا ہے بھگوت مان کا ویڈیو

      عام آدمی پارٹی اور سماج وادی پارٹی کو ہوگا فائدہ
      اس وقت راجیہ سبھا میں بی جے پی کے پاس کل 97 سیٹیں ہیں۔ اتحادی جماعتوں کے ساتھ یہ تعداد 114 ہے، لیکن اپنے طور پر بی جے پی اب بھی اکثریت کے اعداد و شمار سے دور ہے۔ اتر پردیش میں پارٹی کی سیٹیں پچھلی بار کے مقابلے کم ہوئی ہیں جس کا اثر راجیہ سبھا کی سیٹوں پر پڑے گا۔ ساتھ ہی اتراکھنڈ میں بی جے پی کی سیٹیں بھی کم ہوئی ہیں۔

      اگر ہم پنجاب کی بات کریں تو یہاں عام آدمی پارٹی کو یک طرفہ کامیابی ملی ہے۔ AAP نے 117 میں سے 92 سیٹوں پر قبضہ کیا ہے۔ ریاست کی پانچ راجیہ سبھا سیٹوں میں سے دو اکالی دل، دو کانگریس اور ایک بی جے پی کے پاس ہے۔ نتائج سے صاف ہے کہ اکالی دل، کانگریس اور بی جے پی اپنی سیٹیں نہیں بچا پائیں گے۔ ایسے میں یہاں کی پانچوں سیٹیں عام آدمی پارٹی کے کھاتے میں جائیں گی۔ راجیہ سبھا میں عام آدمی پارٹی کے پہلے ہی تین ممبران پارلیمنٹ ہیں۔ پنجاب کی پانچ سیٹیں جوڑ کر، راجیہ سبھا میں AAP کی تعداد 8 تک پہنچ جائے گی۔

      یہ بھی پڑھیں:
      UP Election Results:رجحانات پر اکھیلیش یادو نے کہا : وقت آگیا ہے اب 'فیصلوں' کا

      اس وقت راجیہ سبھا میں سماج وادی پارٹی کے پانچ ممبران پارلیمنٹ ہیں۔ 2017 کے اسمبلی انتخابات میں پارٹی کو صرف 47 سیٹیں ملی تھیں۔ اس بار یہ تعداد 110 تک پہنچتی دکھائی دے رہی ہے۔ اس سے صاف ہے کہ پارلیمنٹ کے ایوان زیریں میں اکھلیش یادو کی پارٹی مضبوط ہوگی۔
      Published by:Shaik Khaleel Farhaad
      First published: