AAP سرکار کے وزیر راجیندر گوتم نے دیا استعفی، تبدیلی مذہب پروگرام کو لے کر ہوا تھا تنازع

نئی دہلی : دہلی کی عام آدمی پارٹی کی سرکار میں وزیر راجیندر پال گوتم نے اتوار کو اپنے عہدہ سے استعفی دیدیا ۔ گزشتہ دونوں ایک تبدیلی مذہب پروگرام میں مبینہ طور پر شامل ہونے سے وابستہ ایک ویڈیو سامنے آنے کے بعد وہ تنازعات میں گھر گئے تھے اور بی جے پی لگاتار ان کے استعفی کا مطالبہ کررہی تھی ۔

دہلی کے سماجی بہبود ، تعاون، درج فہرست ذات و قبائل کی بہبود کے وزیر گوتم نے اپنا دو صفحات پر مشتمل استعفی ٹویٹ کرتے ہوئے لکھا : آج مہارشی والمیکی جی کا پرکٹ اتسو کا دن ہے اور دوسری جانب کانشی رام صاحب کی برسی بھی ہے ۔ ایسے میں آج میں کئی بندشوں سے آزاد ہوا اور آج میرا نیا جنم ہوا ہے ۔ اب میں اور زیادہ مضبوطی سے سماج پر ہونے والے مظالم اور حقوق کی لڑائی کو کسی پابندی کے بغیر جاری رکھوں گا ۔

आज महर्षि वाल्मीकि जी का प्रकटोत्सव दिवस है एवं दूसरी ओर मान्यवर कांशीराम साहेब की पुण्यतिथि भी है। ऐसे संयोग में आज मैं कई बंधनों से मुक्त हुआ और आज मेरा नया जन्म हुआ है। अब मैं और अधिक मज़बूती से समाज पर होने वाले अत्याचारों व अधिकारों की लड़ाई को बिना किसी बंधन के जारी रखूँगा pic.twitter.com/buwnHYVgG8

— Rajendra Pal Gautam (@AdvRajendraPal) October 9, 2022

بتادیں کہ سوشل میڈیا پر وائرل ہوئے اس پوگرام کے ویڈیو میں شامل ہزاروں لوگ بودھ مذہب اپنانے کا عہد لیتے اور ہندو دیوی دیوتاوں کی مذبت کرتے سنے جاسکتے ہیں ۔ ویڈیو کے وائرل ہونے کے ساتھ ہی بی جے پی نے دہلی کے وزیر اعلی کیجریوال پر نشانہ سادھتے ہوئے ان سے گوتم کو کابینہ سے برخاست کرنے کا مطالبہ کیا تھا ۔

 

یہ بھی پڑھئے: دہلی ۔ این سی آر میں آخر کب رکے گی بارش؟ IMD نے دی جانکاری، 15 سال بعد ہوئی اتنی بارش

 

یہ بھی پڑھئے: یوپی کانگریس کے صدر برج لال کھابری نے کہا: 'راہل کا مطلب بھارت، بھارت کا مطلب راہل'

بی جے پی کے قومی ترجمان گورو بھاٹیہ نے پریس کانفرنس میں اے اے پی پر ہندووں کے مذہبی جذبات کو مجروح کرنے کا الزام لگایا ۔ انہوں نے کہا کہ گوتم کا تبصرہ اس نفرت کو ظاہر کرتا ہے، جو پارٹی کے دل میں کمیونٹی (ہندووں) کے تئیں ہے ۔

ادھر عام آدمی پارٹی یا دہلی سرکار کا کوئی آفیشیل رد عمل نہیں آیا تھا ۔ حالانکہ اے اے پی ذرائع نے دعوی کیا کہ وزیر اعلی اس کو لے کر گوتم سے کافی ناخوش ہیں ۔