تہاڑ کی جیل نمبر 4 میں رہے گا اب آفتاب، سی سی ٹی وی کیمرے سے ہوگی نگرانی

شردھا مرڈر کیس کے ملزم آفتاب پوناوالا کو 13 دنوں کی عدالتی حراست میں بھیج دیا گیا ہے۔ ذرائع کے مطابق، آفتاب کو اس دوران تہاڑ جیل کی بیرک نمبر 4 میں رکھا جائے گا۔ جیل میں آفتاب پر کڑی نغرانی رکھی جائے گی وہ لگاتار سی سی ٹی وی کیمرے کی نگرانی میں رہے گا اور جیل میں اسے ادھر ادھر جانے کی اجازت بھی نہیں ہوگی۔

شردھا قتل معاملے کے اہم ملزم آفتاب کو تہاڑ کے دیگر قیدیوں سے الگ رکھا جائے گا، لیکن اس کے سیل میں بھی کچھ قیدی ہوں گے۔ اس کے پہلے آفتاب کو امبیڈکر اسپتال لے جایا گیا، جہاں عدالت لگائی گئی اور وہیں پر آفتاب کی پیشی بھی کروا دی گئی تھی۔ اس دوران عدالت میں آفتاب کو 13 دنوں کی عدالتی حراست میں بھیج دیا گیا۔ اسپیشل سی پی لا اینڈ آرڈر سگرپریت ہڈا نے بتایا تھا کہ دہلی پولیس نے مجسٹریٹ سے اس بات کی درخواست کی تھی کہ آفتاب کے معاملے میں امبیڈکر اسپتال میں ہی عدالت لگائی جائے اور وہیں پر سماعت کی جائے۔

یہ بھی پڑھیں:
کیرلا میں کالا جادو: دولت کے لیے انسانی قربانی دینے والی لیلیٰ کی ضمانت خارج

پولیس کے زیر حراست ایک شخص کی موت، پولیس اور آر ایس ایس پر خاندان نے لگایا الزام

یہ بھی پڑھیں:
دوسو کروڑروپئے کی منی لانڈرنگ کاکیس :دہلی پولیس نے جیکولین فرنانڈیزکابیان کیاریکارڈ

لڑکی کے ساتھ بس میں سفر کرنا پڑا بھاری، لڑکے کے ساتھ شرپسندوں نے کی یہ حرکت

تہاڑ کی جیل نمبر 4 میں رہے گا آفتاب
دہلی پولیس آفتاب کو نارکو ٹسٹ سے پہلے ہونے والی سرگرمیوں کے لیے امبیڈکر اسپتال لے کر گئی تھی۔ یہیں اسپتال میں ہی آفتاب کی کورٹ لگی اور سماعت کے بعد آفتاب کو 13 دنوں کی عدالت حراست میں بھیج دیا گیا۔ جس کے بعد اب آفتاب کا نیا ٹھکانہ تہاڑ کی جیل نمبر چار ہوگی۔