ہوم » نیوز » شمالی ہندوستان

زرعی بل پاس ہونے پر وزیر اعظم مودی نے کہا : کسانوں کو ملی بچولیوں سے آزادی

وزیر اعظم مودی نے اپنے ٹویٹ پیغام میں کہا : ہندوستان کی زرعی تاریخ میں آج ایک بڑا دن ہے ۔ پارلیمنٹ میں اہم بلوں کے پاس ہونے پر میں اپنے محنتی کسانوں کو مبارکبا دیتا ہوں ۔ یہ نہ صرف زرعی شعبہ میں بنیادی تبدیلی لائے گا،بلکہ اس سے کروڑوں کسان خودکفیل بنیں گے۔

  • UNI
  • Last Updated: Sep 20, 2020 05:27 PM IST
  • Share this:
زرعی بل پاس ہونے پر وزیر اعظم مودی نے کہا : کسانوں کو ملی بچولیوں سے آزادی
زرعی بل پاس ہونے پر وزیر اعظم مودی نے کہا : کسانوں کو ملی بچولیوں سے آزادی

پارلیمنٹ میں پاس زرعی شعبہ سے متعلق بلوں پر اپوزیشن اور کسانوں کی زبردست مخالفت کے بعد وزیراعظم نریندر مودی نے آج ایک بار پھر کہا کہ اس سے زرعی شعبہ میں بنیادی تبدیلیاں آئیں گی اور کروڑوں کسان خود کفیل بنیں گے۔ زرعی شعبہ میں اصلاح سے متعلق دو بلوں کو آج راجیہ سبھا کی منظوری ملنے پر مسٹر مودی نے کسانوں کو مبارکباد دی۔اپنے ٹویٹ پیغام میں انہوں نے کہا،’’ہندوستان کی زرعی تاریخ میں آج ایک بڑا دن ہے۔پارلیمنٹ میں اہم بلوں کے پاس ہونے پر میں اپنے محنتی کسانوں کو مبارکبا دیتا ہوں۔یہ نہ صرف زرعی شعبہ میں بنیادی تبدیلی لائے گا،بلکہ اس سے کروڑوں کسان خودکفیل بنیں گے۔


ایک دیگر ٹویٹ میں انہوں نے کہا کہ ہمارے زرعی شعبہ کو جدید ترین تکنیک کی فوری ضرورت ہے،کیونکہ اس سے محنت کش کسانوں کو مدد ملے گی۔ اب ان بلوں کے پاس ہونے سے ہمارے کسانوں کی پہنچ مستقبل کی ٹیکنولوجی تک آسان ہوگی۔اس سے نہ صرف پیداوار بڑھے گی بلکہ بہتر نتائج سامنے آئیں گے۔ یہ ایک قابل ستائش قدم ہے۔ دہائیوں تک ہمارے کسان بھائی بہن کئی طرح کے بندھنوں میں جکڑے ہوئے تھے اور انہیں بچولیوں کا سامنا کرنا پڑتا تھا۔ پارلیمنٹ میں پاس بلوں سے کسانوں کو ان سب سے آزادی ملی ہے۔اس سے کسانوں کی آمدنی دوگنی کرنے کی کوششوں کو تقویت ملے گی اور ان کی خوشحالی یقینی ہوگی۔




کسانوں کو فصلوں کے ایم ایس پی کے سلسلے میں اٹھائے جارہے سوالوں کو بے بنیاد بتاتے ہوئے انہوں ںے کہا کہ یہ پہلے کی طرح جاری رہے گا۔ انہوں نے کہا کہ میں پہلے بھی کہہ چکا ہوں اور ایک بار پھر کہتا ہوں ایم ایس پی کا نظام جاری رہےگا ۔ سرکاری خرید جاری رہے گی ۔ ہم یہاں اپنے کسانوں کی خدمت کےلئے ہیں ۔ ہم ان کی مدد کےلئے ہر ممکن کوشش کریں گے اور ان کی آنے والی نسلوں کےلئے بہتر زندگی یقین بنائیں گے ۔

واضح رہے کہ راجیہ سبھا نے اتوار کو اپوزیشن کے شدید ہنگامے کے درمیان زرعی شعبہ کے دو بلوں ’کسانوں کی پیداوار کا کاروبار اور تجارت(فروغ اور سہولت) بل 2020 اور ’کسان (خودکفالت اور تحفظ) قیمت کی یقین دہانی اور زرعی خدمات قرار بل 2020 ‘ کو صوتی ووٹوں سے پاس کردیا گیا ۔ لوک سبھا ان دونوں بلوں کو پہلے ہی پاس کرچکی ہے ۔
Published by: Imtiyaz Saqibe
First published: Sep 20, 2020 05:24 PM IST
corona virus btn
corona virus btn
Loading