این آرسی سے متعلق بیان پراسدالدین اویسی نے امت شاہ کو بنایا نشانہ۔ کہی یہ بڑی بات

اسد الدین اویسی نے این آر سی کے بیان پرامت شاہ کو نشانہ بنایا ہے۔امت شاہ نے وضاحت دیتے ہوئے کہا ہے کہ مسلمانوں کو چھوڑکرتمام مذاہب کے لوگ ملک بدری کی افواہوں پردھیان نہ دیں۔ این آر سی کے تعلق سے امت شاہ کے بیان کومجلس اتحاد المسلمین کے صدراسدالدین اویسی نےتنقید کا نشانہ بنایا۔اسدالدین اویسی نے مرکزی وزیر داخلہ سے کہا کہ وہ پہلے دستورکی کتاب پڑھ لیں۔اویسی کا کہنا ہے کہ آئین میں مذہب کی بنیاد پرشہریت دینے کی ممانعت ہے

 

According to the HM, the only people who must fear the NRC are Muslims.@AmitShah I know you’re allergic to it but read the Constitution, FOR ONCE. Religion cannot be the basis of citizenship, it’s unconstitutional & illegal https://t.co/vJTGD3vKry

— Asaduddin Owaisi (@asadowaisi) October 1, 2019

اسد اویسی نے اپنے تاثرات ٹوئٹرپر شیئر کیے۔انہوں نے لکھا کہ وزیرداخلہ صاف طورپر کہہ رہے ہیں کہ صرف مسلمانوں کو این آر سی سے ڈرنا ہوگا جن کو دستاویزی حیثیت حاصل نہیں جب کہ دیگرمذاہب کے تمام لوگوں کو شہریت مل جائے گی۔حالانکہ آپ کو آئین سے الرجی ہے لیکن صرف اِس بار اُسے پڑھنے کی کوشش کریں۔اسد اویسی نے اپنی ٹویٹ میں مزید لکھا کہ مذہب کی بنیاد پر شہریت دینا غیر قانونی ہے اوراُسے مسترد کردیا جائے گا۔۔  

The Home Minister is saying clearly that only undocumented Muslims will have to fear NRC, while others will get Indian citizenship@AmitShah I know you are allergic to it, but try reading the Constitution, FOR ONCE. Religion based citizenship is illegal and will be struck down https://t.co/vJTGD3vKry

— Asaduddin Owaisi (@asadowaisi) October 1, 2019

اویسی نے کولکاتا میں امت شاہ کے بیان کی میڈیا رپورٹوں پررد عمل ظاہر کیا۔انہوں نے بتایا کہ امت شاہ نے کہا ہے کہ این آر سی سے پہلے بی جے پی حکومت شہریت ترمیمی بل لائے گی۔قانون سازی کے ذریعے ملک میں رہائش اختیار کرنے والے ہندوؤں سکھوں ، بدھ مت کو ماننے والے، جین طبقہ اورعیسائیوں کو شہریت دیدی جائے گی ۔۔