ہوم » نیوز » وطن نامہ

ہندوستان کی مدد کیلئے امریکہ نے بڑھایا ہاتھ ، کملا ہیرس نے کہا : ہم آپ کے ساتھ ہیں

Coronavirus in India: امریکہ کی نائب صدر نے کہا کہ پہلے سے ہی ہم نے ریفیل کرنے کے قابل آکسیجن سلینڈر ، آکسیجن کنسنٹریٹرس ، این 95 ماسک دئے ہیں اور اب ہم اس کو اور زیادہ مقدار میں بھیجنے کیلئے تیار ہیں ۔

  • Share this:
ہندوستان کی مدد کیلئے امریکہ نے بڑھایا ہاتھ ، کملا ہیرس نے کہا : ہم آپ کے ساتھ ہیں
ہندوستان کی مدد کیلئے امریکہ نے بڑھایا ہاتھ ، کملا ہیرس نے کہا : ہم آپ کے ساتھ

نئی دہلی : امریکہ کی نائب صدر کملا ہیرس نے کورونا وائرس کی دوسری لہر سے متاثر ہندوستان کو ہر ممکن مدد دینے کی یقین دہانی کرائی ہے ۔ ہیرس نے کہا کہ ہندوستان نے وبا کی شروعات میں ہماری مدد کی تھی ، اب ہم ہندوستان کی مدد کیلئے پرعزم طریقہ سے کھڑے ہیں ۔ کملا ہیرس نے کہا کہ ہندوستان میں کورونا وائرس اور اموات میں اضافہ دل دہلا دینے والے واقعات سے کم نہیں ہے ۔ آپ میں سے جنہوں نے اپنے اہل خانہ کو کھویا ہے ، میں اپنی گہری تعزیت کا اظہار کرتی ہوں ۔ جیسے ہی حالات کی سخت نوعیت سامنے آئی ، ہماری انتظامیہ نے کارروائی کی ۔


کملا ہیرس نے کہا کہ 26 اپریل کو صدر جو بائیڈن نے حمایت کی پیش کش کرنے کیلئے وزیر اعظم مودی سے بات کی ۔ 30 اپریل تک ریاستہائے متحدہ امریکہ کے فوجی اراکین اور شہری زمین پر راحت دے رہے تھے ۔ امریکہ کی نائب صدر نے کہا کہ پہلے سے ہی ہم نے ریفیل کرنے کے قابل آکسیجن سلینڈر ، آکسیجن کنسنٹریٹرس ، این 95 ماسک دئے ہیں اور اب ہم اس کو اور زیادہ مقدار میں بھیجنے کیلئے تیار ہیں ۔ ہم نے کورونا مریضوں کے علاج کیلئے ریمیڈیسیور کی خوراک بھیجی ہیں ۔


کملا ہیرس نے کہا کہ ہندوستان اور دیگر ملکوں کو اپنے لوگوں کو اور زیادہ تیزی سے ٹیکہ کاری کرنے میں مدد کرنے کیلئے ہم نے کورونا ٹیکوں پر پیٹینٹ کو معطل کرنے کیلئے ہماری مکمل حمایت کا اعلان کیا ہے ۔ ہندوستان اور امریکہ میں دنیا میں سب سے زیادہ کورونا کے معاملات ہیں ۔


امریکی صدر نے کہا کہ وبا کی شروعات میں جب ہمارے اسپتال میں بیڈ بڑھانے کی ضرورت تھی ، تب ہندوستان نے مدد بھیجی تھی ۔ آج ہم ہندوستان کو اس کی ضرورت کے وقت میں مدد کرنے کیلئے پرعزم ہیں ۔ ہم یہ ہندوستان کے دوستوں کے روپ میں ایشیائی کواڈ کے اراکین کے طور پر اور عالمی کمیونٹی کے حصے کے طور پر کر رہے ہیں ۔
Published by: Imtiyaz Saqibe
First published: May 07, 2021 11:59 PM IST