ہوم » نیوز » جموں وکشمیر

مرکزی وزیر امت شاہ نے کہا- کانگریس اور گپکار گینگ جموں وکشمیر میں پھر سے چاہتا ہے دہشت کا دور

گپکار انتخابی منشور کے سلسلے میں جموں و کشمیر میں جاری سرگرمیوں کے سلسلے میں امت شاہ نے آج سلسلے وار ٹویٹ کرکے ان سبھی پارٹیوں کی سخت مذمت کی اور کہا کہ یہ چاہتے ہیں کہ غیر ملکی طاقتیں جموں وکشمیر میں مداخلت کریں۔

  • UNI
  • Last Updated: Nov 17, 2020 04:31 PM IST
  • Share this:
مرکزی وزیر امت شاہ نے کہا- کانگریس اور گپکار گینگ جموں وکشمیر میں پھر سے چاہتا ہے دہشت کا دور
مرکزی وزیر امت شاہ نے کہا- کانگریس اور گپکار گینگ جموں وکشمیر میں پھر سے چاہتا ہے دہشت کا دور

نئی دہلی: مرکزی وزیر داخلہ امت شاہ نے جموں وکشمیر میں لام بند ہورہی اپوزیشن پارٹیوں کو آڑے ہاتھوں لیتے ہوئے آج کہا کہ کانگریس اور گپکار گینگ جموں و کشمیر کو ایک بار پھر سے دہشت اور افراتفری کے دور میں لے جانا چاہتے ہیں۔ گپکار انتخابی منشور کے سلسلے میں جموں و کشمیر میں جاری سرگرمیوں کے سلسلے میں امت شاہ نے آج سلسلے وار ٹویٹ کرکے ان سبھی پارٹیوں کی سخت مذمت کی اور کہا کہ یہ چاہتے ہیں کہ غیر ملکی طاقتیں جموں وکشمیر میں مداخلت کریں۔ انہوں نے کانگریس صدر سونیا گاندھی اورپارٹی رہنما راہل گاندھی سے بھی گپکار کے سلسلے میں اپنا رخ واضح کرنے کو کہا۔

مرکزی وزیر داخلہ امت شاہ نے ٹویٹ کیا، ’’گپکار گینگ عالمی ہو رہا ہے۔ وہ چاہتے ہیں کہ غیر ملکی طاقتیں جموں وکشمیر میں مداخلت کریں۔ گپکار گینگ نے ہندوستانی ترنگے کی توہین کی ہے۔ کیا سونیا گاندھی اور راہل گاندھی گپکارگینگ کے ان اقدامات کی حمایت کرتے ہیں؟ انہیں ملک کے لوگوں کے سامنے اپنا رخ واضح کرنا چاہئے۔‘‘





انہوں نے کہا،’’کانگریس اور گپکار گینگ کشمیر کو ایک بار پھر دہشت اور اتھل پتھل والے دور میں لے جانا چاہتے ہیں۔ وہ دلتوں، خواتین اور قبائلیوں کے حقوق کو چھیننا چاہتے ہیں، جو ہم نے آرٹیکل 370 کو ہٹاکر یقینی بنانے ہیں۔ اسی لئے لوگ انہیں ہر جگہ خارج کر رہے ہیں۔‘‘ وزیر داخلہ امت شاہ نے زور دے کر کہا،’’جموں وکشمیر ہندوستان کا لازمی حصہ رہا ہے اور ہمیشہ رہےگا۔ ہندوستان کے لوگ قومی حقوق کے خلاف کسی بھی ناپاک اتحاد کو اب اور برداشت نہیں کریں گے۔ یا تو گپکار گینگ قومی موڈ کے ساتھ چلے ورنہ لوگ اسے ڈبو دیں گے۔‘‘
Published by: Nisar Ahmad
First published: Nov 17, 2020 03:56 PM IST
corona virus btn
corona virus btn
Loading