بھٹنڈا فوجی چھاؤنی میں ایک اور جوان کی موت، مشتبہ حالات میں لگی گولی، جانچ میں مصروف پولیس

بھٹنڈا فوجی چھاونی میں بدھ کی علی الصبح چار جوانوں کے قتل کے معاملے کے درمیان ، دوپہر میں پھر ایک مرتبہ ایک جوان کی گولی لگنے سے موت ہوگئی ہے۔ اس کی اطلاع پولیس کو دے دی گئی ہے۔ پولیس جانچ میں مصروف ہے۔

پولیس ذرائع کے مطابق ڈیوٹی پر تعینات ایک جوان کو اچانک گولی لگ گئی، جس سے اس کی موقع پر ہی موت ہوگئی۔ پہلے یہ بحث ہورہی تھی کہ جوان نے خودکشی کی ہے، تاہم پولیس نے بتایا کہ یہ ابھی جانچ کا موضوع ہے۔ ہوسکتا ہے کہ ڈیوٹی کے دوران ہتھیار صاف کرتے وقت حادثہ ہوگیا ہو۔ ابھی جوان کی پہچان کے بارے میں کوئی معلومات عام نہیں کی گئی ہے۔

یہ بھی پڑھیں:

اگلے 10 ۔ 12 دن تیزی سے بڑھیں گے کورونا کے کیسیز، لیکن ڈرنے کی بات نہیں: سرکاری ذرائع

قابل ذکر ہے کہ پنجاب کے بھٹنڈا ملٹری اسٹیشن کے اندر بدھ کی علی الصبح 4.35 بجے فائرنگ کا واقعہ پیش آیا تھا۔ اس واقعہ میں چار جوانوں کی موت ہوگئی ہے۔ اس کے بعد اسٹیشن کوئی کری ایکشن ٹیموں کو سرگرم کردیا گیا۔ پورے علاقے کو گھیر لیا گیا اور سیل کردیا گیا ہے۔

پنجاب کی بھٹنڈا پولیس کے مطابق یہ واقعہ ملٹری اسٹیشن کے اندر گارڈ روم میں پیش آیا۔ پولیس کو اب تک کیا معلومات ملی ہیں۔ گولی کس نے چلائی یہ ابھی تفتیش کا معاملہ ہے۔ اب تک کی تحقیقات کے مطابق گولی فوج کے سرکاری ہتھیار سے چلائی گئی۔ سرچ آپریشن جاری ہے۔ اس کے ساتھ گولی کس نے چلائی اس کی بھی تفتیش جاری ہے۔

یہ بھی پڑھیں:

یو پی آئی ادائیگی کے ذریعے خریدو سامان، پھر قسطوں میں کرو ادائیگی، ای ایم آئی کا آپشن دستیاب