ہوم » نیوز » No Category

آسام انتخابات سے قبل این ڈی اے سے الگ ہوا بوڈو لینڈ پیپلز فرنٹ، کانگریس سے ملایا ہاتھ

بی جے پی کی معاون پارٹی بوڈو لینڈ پیپلز فرنٹ اتحاد (Bodoland People's Front-BPF) سے الگ ہوگیا ہے۔ بی پی ایف نے ہفتہ کو این ڈی اے کا ساتھ چھوڑ کر کانگریس کا دامن تھام لیا ہے۔ پارٹی کے صدر ہگراما موہلری (Hagrama Mohilary) نے کہا ہے کہ ہم بی جے پی کے ساتھ دوستی اور اتحاد نہیں نبھا سکتے ہیں۔

  • Share this:
آسام انتخابات سے قبل این ڈی اے سے الگ ہوا بوڈو لینڈ پیپلز فرنٹ، کانگریس سے ملایا ہاتھ
آسام انتخابات سے قبل این ڈی اے سے الگ ہوا بوڈو لینڈ پیپلز فرنٹ، کانگریس سے ملایا ہاتھ

نئی دہلی: الیکشن کمیشن کے ذریعہ پانچ ریاستوں میں تاریخوں کے اعلان کے ٹھیک ایک دن بعد آسام میں بی جے پی کی معاون پارٹی بوڈو لیںڈ پیپلز فرنٹ اتحاد (Bodoland People's Front-BPF) سے الگ ہوگیا ہے۔ بی پی ایف نے ہفتہ کو این ڈی اے کا ساتھ چھوڑ کر کانگریس کا دامن تھام لیا ہے۔ پارٹی کے صدر ہگراما موہلری (Hagrama Mohilary) نے کہا ہے کہ ہم بی جے پی کے ساتھ دوستی اور اتحاد نہیں نبھا سکتے ہیں۔ انہوں نے کہا کہ امن، اتحاد اور ترقی کے ساتھ ریاست میں مستقل حکومت دینے کے لئے بی پی ایف نے کانگریس کی قیادت والے اتحاد کے ساتھ جانے کا فیصلہ کیا ہے۔ ہگراما موہلری نے ایک فیس بک پوسٹ کے ذریعہ پوری جانکاری دی ہے۔


بی جے پی پہلے ہی کہہ چکی- بی پی ایف سے اتحاد نہیں کریں گے


قابل ذکر ہے کہ آسام بی جے پی کے قدآور لیڈر اور ریاست کے وزیر مالیات بسو سرما نے تقریباً دو ہفتے پہلے ہی کہہ دیا تھا کہ الیکشن میں بی پی ایف، این ڈی اے کا حصہ نہیں ہوگی۔ انہوں نے کہا تھا کہ بوڈو لینڈ ٹیرو ٹوریل کاونسل کے الیکشن کے بعد سے ہی دونوں پارٹیوں کے تعلقات میں تلخی آگئی ہے۔


کانگریس کارکنان نے سی اے اے کے خلاف بڑی تحریک چلائی ہے

واضح رہے کہ اس وقت آسام میں کانگریس نے سی سی اے ضوابط کو بڑا موضوع بنایا ہوا ہے۔ پارٹی کارکنان نے شہریت ترمیمی قانون کے خلاف بڑی تحریک چلائی ہے۔ اس کے تحت سی اے اے مخالف پیغامات والے روایتی رومال پوری ریاست سے جمع کئے جا رہے ہیں۔ اب تک ایک لاکھ سے زیادہ رومال جمع کئے گئے ہیں۔

آسام میں 3 مرحلے میں الیکشن ہوں گے

شمال مشرق کے سب سے بڑی ریاست میں 3 مرحلے میں الیکشن منعقد کرائے جائیں گے۔ ریاست میں 47 سیٹوں کے لئے 27 مارچ کو پہلے مرحلے کی ووٹنگ ہوگی۔ 39 سیٹوں کے لئے یکم اپریل اور 40 سیٹوں پر 6 اپریل کو ووٹنگ ہوگی۔ ریاستی اسمبلی میں کل 126 سیٹیں ہیں۔ دو مئی کو نتیجے آئیں گے۔
Published by: Nisar Ahmad
First published: Feb 27, 2021 11:59 PM IST