Election Result 2023: انتخابی نتائج پر وزیراعظم مودی نے کہا : میں آپ کا شکر گزار ہوں

نئی دہلی : تری پورہ، میگھالیہ اور ناگالینڈ انتخابات کے نتائج پر وزیراعظم نریندر مودی نے ٹویٹ کیا ہے ۔ انہوں نے لکھا: شکریہ تری پورہ ! یہ ترقی اور استحکام کیلئے ووٹ ہے ۔ بی جے پی ریاست کی ترقی کی راہ کو فروغ دینا جاری رکھے گی ۔ زمینی سطح پر شاندار کوششوں کیلئے مجھے سبھی تریپورہ بی جے پی کارکنان پر فخر ہے ۔ دراصل تری پورہ میں بی جے پی واضح اکثریت کے ساتھ دوسری مرتبہ حکومت بنانے جارہی ہے ۔ وہیں ناگالینڈ میں بھی بی جے پی کامیاب رہی ہے ۔ یہاں بی جے پی ۔ این ڈی پی پی اتحاد نے بازی ماری ہے، لیکن میگھالیہ میں نتائج نے بی جے پی کو مایوس کیا ہے ۔

وزیراعظم نریندر مودی نے کہا کہ تینوں ریاستوں تری پورہ ، میگھالیہ اور ناگالینڈ کےعوام کا شکریہ ۔ اپنے ایک اور ٹویٹ میں وزیراعظم مودی نے لکھا ہے کہ میں ان سبھی کا شکرگزار ہوں، جنہوں نے میگھالیہ میں بی جے پی کی حمایت کی ہے ۔ ہم میگھالیہ کو ترقی کی راہ پر فروغ دینے کیلئے سخت محنت کرتے رہیں گے اور ریاست کے لوگوں کو طاقتور بنانے پر دھیان مرکوز کریں گے ۔ میں اپنی پارٹی کارکنان کے ذریعہ کی گئی کوشش کیلئے شکرگزار ہوں ۔



وزیراعظم نریندر مودی نے کہا کہ میں این ڈی پی پی ۔ بی جے پی اتحاد کو آشیرواد دینے کیلئے ناگالینڈ کے لوگوں کا شکریہ ادا کرتا ہوں۔ آپ نے ریاست کی خدمت کیلئے اتحاد کو ایک مرتبہ پھر سے مینڈیٹ دیا ہے  ۔

یہ بھی پڑھئے: نارتھ ایسٹ اسمبلی انتخابات کے نتائج سے کانگریس مایوس، لیکن ضمنی انتخابات کے نتائج سے خوش

یہ بھی پڑھئے: 'کسی رشتے کو مذہبی اینگل نہیں دیا جاسکتا'، لو جہاد پر بامبے ہائی کورٹ

انہوں نے کہا کہ ڈبل انجن کی سرکار ریاست کی ترقی کیلئے کام کرتی رہے گی ۔ میں اپنے پارٹی کارکنان کی سخت محنت کیلئے ان کی سراہنا کرتا ہوں جنہوں نے اس نتیجہ کو یقینی بنایا ہے ۔