உங்கள் மாவட்டத்தைத் தேர்வுசெய்க

    نوپور شرما کی حمایت کرنے پر بجرنگ دل لیڈر پر حملہ، ملزمین پر لگے گاNSA

    بجرنگ دل لیڈر پر حملے کے ملزمین پر لگایا جائے گا NSA اور ملزمین کے گھروں پر چلے گا بلڈوزر۔

    بجرنگ دل لیڈر پر حملے کے ملزمین پر لگایا جائے گا NSA اور ملزمین کے گھروں پر چلے گا بلڈوزر۔

    MP Latest News : زخمی نوجوان آیوش مالی کے ساتھ بات چیت میں معلوم ہوا کہ اس نے اب بی جے پی سے معطل کی گئی نوپور شرما کی حمایت میں بیان دیا تھا اس کو لیے کچھ لڑکوں نے اس پر پتھروں اور لاٹھیوں سے حملہ کیا۔

    • Share this:
      MP Latest News:بھوپال: مدھیہ پردیش کے آگر مالوا میں نوپور شرما کی حمایت میں بیان دینے والے بجرنگ دل لیڈر آیوش مالی کے ساتھ مارپیٹ کا معاملہ بھوپال تک پہنچ گیا ہے۔ معاملے کو سنجیدگی سے لیتے ہوئے وزیر داخلہ نروتم مشرا نے کہا ہے کہ حملہ کرنے والے تمام ملزمان کے خلاف ایف آئی آر درج کر لی گئی ہے۔ ان میں سے 8 ملزمان کو گرفتار کر لیا گیا ہے جبکہ باقی 5 کو کل تک گرفتار کر لیا جائے گا۔

      وزیر داخلہ کے مطابق مدھیہ پردیش امن کا جزیرہ ہے اور کسی کو یہاں کے امن کو خراب کرنے کی اجازت نہیں دی جائے گی۔ اتنا ہی نہیں اس معاملے میں کی گئی کارروائی کے بارے میں معلومات دیتے ہوئے وزیر داخلہ نے کہا کہ ملزمان کے خلاف 307 کے تحت مقدمہ درج کیا گیا ہے۔ ان سب کے خلاف این ایس اے اور ضلع بدر کی طرف سے کارروائی کی جائے گی۔

      چلے گا بلڈوزر
      بجرنگ دل لیڈڑ کے پر حملہ کرنے والے ملزمان کے خلاف بلڈوزر چلانے کی بھی تیاریاں کی جا رہی ہیں۔ گرفتار 8 ملزمان کے گھروں پر بلڈوزر چلائے جائیں گے۔ اس بارے میں جانکاری دیتے ہوئے نروتم مشرا نے کہا کہ اس سلسلے میں انتظامیہ کو ہدایات دے دی گئی ہیں۔ ملزمان کے خلاف سخت ایکشن لیا جائے گا۔

      کیا ہے معاملہ
      اگر مالوا ضلع ہیڈکوارٹر میں نوجوانوں کے درمیان جھگڑے نے طول پکڑ لیا۔ اجین روڈ پر ٹول ٹیکس کے قریب کچھ لوگوں نے ایک نوجوان پر حملہ کر دیا۔ نوجوان کے سر پر شدید چوٹ آئی ہے۔ حملہ دیکھ کر راہگیر نوجوان کی جان بچانے کے لیے بھاگے اور پولیس کو اطلاع دی۔ بعد میں معلوم ہوا کہ یہ نوجوان بجرنگ دل کا بلاک کنوینر ہے۔ اس معاملے نے طول پکڑ لیا اور ہندو تنظیموں نے پولیس سپرنٹنڈنٹ کے دفتر اور ضلع اسپتال کا گھیراؤ کیا۔

      یہ بھی پڑھیں:
      Madhya Pradesh Local Body Results: بی جے پی کا دائرہ ہوا محدود، کانگریس کو ہوا فائدہ

      یہ بھی پڑھیں:
      MP Municipal Election:مدھیہ پردیش سےSPغائب،BSPہوئی کمزور، عاپ اورMIMنے بگاڑی مساوات

      زخمی نوجوان آیوش مالی کے ساتھ بات چیت میں معلوم ہوا کہ اس نے اب بی جے پی سے معطل کی گئی نوپور شرما کی حمایت میں بیان دیا تھا اس کو لیے کچھ لڑکوں نے اس پر پتھروں اور لاٹھیوں سے حملہ کیا۔ آیوش نے بتایا کہ حملہ آوروں کے پاس تیز دھار ہتھیار بھی تھے۔ شدید زخمی نوجوان کو اجین ریفر کر دیا گیا تھا۔

      Published by:Shaik Khaleel Farhaad
      First published: