Cheating Army Aspirants:خود کو کرنل بتا کر نوجوانوں سے لاکھوں ٹھگ رہا تھا یہ شخص، جب پکڑا گیا تو نکلا۔۔۔

Cheating Army Aspirants:مہاراشٹر کے پونے سے ایک چونکا دینے والا معاملہ سامنے آیا ہے۔ یہاں ایک شخص کرنل کا روپ دھار کر فوج میں بھرتی کروانے کے لیے نوجوانوں سے لاکھوں روپے بھتہ لے رہا تھا۔ فوج میں بھرتی کے نام پر لاکھوں کی دھوکہ دہی کا معاملہ سامنے آیا تو مہاراشٹر پولیس اور فوج کا انٹیلی جنس ونگ بھی حیران رہ گیا۔

اس معاملے کی معلومات دیتے ہوئے پونے سٹی پولیس نے بدھ کو بتایا کہ ایک 55 سالہ آٹو رکشہ ڈرائیور کو کرنل ظاہر کرنے اور فوج میں نوکری دلانے کے نام پر کئی امیدواروں کو دھوکہ دینے کے الزام میں گرفتار کیا گیا ہے۔ پونے پولیس کے ایک اہلکار نے بتایا کہ ملزم آٹو رکشہ ڈرائیور سنجے ساونت کو پونے پولیس کی کرائم برانچ اور ملٹری انٹلیجنس (Military Intelligence)نے مشترکہ کارروائی میں گرفتار کیا ہے۔

ملزم آٹو رکشہ ڈرائیور سنجے ساونت کو گرفتاری اور ابتدائی پوچھ گچھ کے بعد پنجاب کی پٹھان کوٹ پولیس کے حوالے کر دیا گیا۔ جہاں اس کے خلاف دھوکہ دہی کا مقدمہ درج کیا گیا ہے اور معاملہ مقامی عدالت میں زیر سماعت ہے۔ پولیس افسر نے بتایا کہ آٹو رکشہ ڈرائیور بننے سے پہلے اس نے پونے کے ڈیہو روڈ پر سنٹرل آرڈیننس ڈپو (سی او ڈی) میں 30 سال تک مزدور کے طور پر کام کیا تھا۔

یہ بھی پڑھیں:

Pakistani love story: عاشق سے ملنے ہندوستان آئی پاکستانی لڑکی پہنچ گئی جیل، جانئے معاملہ

یہ بھی پڑھیں:

Tamil Nadu: مصنوعی ٹریفک جام بنامجرم کو پکڑنےکاذریعہ! بھتہ خوری کیس میں 5 ملزمان گرفتار

افسر نے بتایا کہ پٹھان کوٹ میں ایک کیس درج کیا گیا ہے جہاں اس پر فوج کا کرنل ظاہر کرکے اور فوج میں نوکریوں کا وعدہ کرکے کئی نوجوانوں کو لاکھوں روپے کا دھوکہ دینے کا الزام ہے۔ پٹھان کوٹ پولیس کی ایک ٹیم اسے گرفتار کرنے پونے گئی تھی۔ افسر نے بتایا کہ مکمل تلاشی کے بعد، پونے کرائم برانچ اور ملٹری انٹلیجنس کے یونٹ-4 کے اہلکاروں نے ساونت کا سراغ لگایا اور اسے گرفتار کر لیا۔