10 کروڑ لوگوں کا آیوشمان اکاونٹ صحت سے متعلق معلومات ہوئیں ڈیجیٹلائزڈ، 30 کروڑ سے زائد رجسٹریشن

ملک کے 10 کروڑ سے زیادہ لوگوں کو آیوشمان بھارت اسکیم کے تحت ہیلتھ اکاونٹ سونپے گئے ہیں۔ پیر کو نیشنل ہیلتھ اتھارٹی کے سی ای او ڈاکٹر آر ایس شرما نے یہ معلومات دی۔ ڈاکٹر شرما نے بتایا کہ آیوشمان بھارت ڈیجیٹل مشن (اے بی ڈی ایم) کے تحت، 10 کروڑ سے زیادہ صحت کے ریکارڈ کو آیوشمان بھارت ہیلتھ اکاؤنٹ سے ڈیجیٹل طور پر منسلک کیا گیا ہے۔

اب تک 30 کروڑ سےزائد افراد نے آیوشمان اکاونٹ میں کرایا رجسٹریشن
اس کے ذریعے الگ الگ علاقوں کے صحت کی دیکھ بھال کرنے والوں کے پاس شہریوں کا پورا میڈیکل ڈیٹا پہنچ جاتا ہے۔ اب تک 30 کروڑ سے زائد شہریوں نے آیوشمان بھارت ہیلتھ اکاونٹ (آبھا) میں رجسٹریشن کیا ہے۔ ڈاکٹر شرما نے بتایا کہ آبھا اکاونٹس کے ذریعے مریضوں کی صحت کا ریکارڈ ڈیجیٹل طور پر دستیاب رہے گا۔ اس سے جامع طبی تاریخ دینے میں مدد ملے گی۔ اس کا فائدہ یہ ہوگا کہ ہیلتھ ہسٹری جاننے کے بعد کسی بھی درست فیصلے پر پہنچا جا سکتا ہے۔

اس کے ذریعے شہری، ڈیجیٹل طور پر اے بی ڈی ایم رجسٹرڈ صحت کی دیکھ بھال کرنے والوں کے ساتھ بھی ہیلتھ ریکارڈ شیئر کرسکتے ہیں

یہ بھی پڑھیں:
برفانی ہواؤں سے کانپ رہا ہے شمالی ہندوستان، دہلی میں آج ایک ڈگری تک آسکتا ہے درجہ حرارت

یہ بھی پڑھیں:
لو جہاد قانون کی آئینی حیثیت اورمبینہ تبدیلی مذہب کے خلاف داخل عرضی پرسپریم کورٹ میں سماعت

PM Modi Road Show: وزیراعظم مودی نے دہلی میں روڈ شو کیا، لوگوں نے کی پھولوں کی بارش

2021 می ہوئی تھی اسکیم کی شروعات
وزیراعظم نریندر مودی نے دو سال قبل یعنی ستمبر 2021 کو آیوشمان بھارت ڈیجیٹل مشن (اے بی ڈی ایم) کے قومی سطح کے رول آوٹ کا اعلان کیا تھا، جس کا مقصد ملک کے متحدہ ڈیجیٹل ہیلتھ انفرااسٹرکچر کو سپورٹ کرنا ہے۔