ہوم » نیوز » شمالی ہندوستان

مساجد میں لاؤڈ اسپیکر سے اذان دینے پرپابندی کا معاملہ: رکن پارلیمنٹ افضال انصاری نےاٹھایا یہ بڑا قدم، الہ آباد ہائی کورٹ میں عرضی

غازی پور کے ڈی ایم کی طرف سے مسجدوں میں لاؤد اسپیکر سے اذان پر پابندی لگائے جانےکے معاملے پر رکن پارلیمنٹ افضال انصاری نے الہ آباد ہائی کورٹ میں عرضی داخل کرکے مداخلت کرنے کا مطالبہ کیا ہے۔

  • Share this:
مساجد میں لاؤڈ اسپیکر سے اذان دینے پرپابندی کا معاملہ: رکن پارلیمنٹ افضال انصاری نےاٹھایا یہ بڑا قدم، الہ آباد ہائی کورٹ میں عرضی
مساجد میں لاؤڈ اسپیکر سے اذان دینے پرپابندی کا معاملہ: افضال انصاری نے اٹھایا یہ بڑا قدم

یو پی میں لاک ڈاؤن کے دوران مساجد میں لاؤڈ اسپیکر سے اذان دینے سے روکے جانےکا معاملہ مزید شدت اختیار کرتا جا رہا ہے۔ ریاست کےکئی علاقوں سے مقامی انتظامیہ کی طرف سے مسجدوں میں اذان دینے سے روکنےکے معاملے سامنے آئے ہیں۔ غازی پور سے بی ایس پی کے ممبر پارلیمنٹ افضال انصاری نے اس معاملے میں الہ آباد ہائی کورٹ سے مداخلت کرنےکی درخواست کی ہے۔


غازی پور  کے ڈسٹرکٹ مجسٹریٹ (ڈی ایم) کی طرف سے مسجدوں میں لاؤد اسپیکر سے اذان پر پابندی لگائےجانےکا معاملہ اب الہ آباد ہائی کورٹ پہنچ گیا ہے۔ ماہ رمضان میں اذان پر پابندی لگائے جانے کےخلاف ممبر پارلیمنٹ افضال انصاری نے الہ آباد ہائی کورٹ میں عرضی داخل کی ہے۔ اپنی عرضی میں  افضال انصاری نے  غازی پور کے ڈسٹرکٹ مجسٹریٹ پر الزام لگایا ہےکہ انہوں نے زبانی طور سے مسجدوں میں لاؤڈ اسپیکر کے ذریعے اذان دینے پر پابندی لگا دی ہے۔ رکن پارلیمنٹ افضال انصاری نے  اپنی عرضی میں کہا ہےکہ ڈی ایم غازی پور نے یہ حکم تحریری طور پر نہیں، بلکہ انہوں نے اپنے ماتحت پولیس افسران کو زبانی ہدایت دی ہےکہ وہ اپنے علاقوں کی مسجدوں میں لاؤڈ اسپیکرکے ذریعے اذان دینے سے روکیں۔


ماہ رمضان میں اذان پر پابندی لگائے جانے کےخلاف ممبر پارلیمنٹ افضال انصاری نے الہ آباد ہائی کورٹ میں عرضی داخل کی ہے۔
ماہ رمضان میں اذان پر پابندی لگائے جانے کےخلاف ممبر پارلیمنٹ افضال انصاری نے الہ آباد ہائی کورٹ میں عرضی داخل کی ہے۔


عرضی میں کہا گیا ہےکہ جن مساجد میں لاؤڈ اسپیکر سے اذان ہو رہی ہے، وہاں کے مؤذن اور امام کےخلاف فرضی مقدمے درج کئےجا رہے ہیں۔ افضال انصاری نے اپنی عرضی میں یہ بھی کہا ہے کہ غازی پور کی جن مساجد میں لاؤڈ اسپیکر سے اذان ہو رہی ہے  مقامی انتظامیہ کی طرف سے ان کےخلاف نیشنل سکیورٹی ایکٹ (این ایس اے) کےتحت کار روائی کرنے کی دھمکی دی جا رہی ہے۔ افضال انصاری نے اپنی عرضی میں کہا ہےکہ اس طرح کی کار روائی سے آئین میں دیئےگئے اقلیتوں کے بنیادی حقو ق کی پامالی ہو رہی ہے۔ افضال انصاری نےہائی کورٹ سے اس معاملے میں مداخلت کرنے اور قصور وار اعلیٰ افسران کےخلاف کار روائی کرنےکی اپیل کی ہے۔
First published: Apr 29, 2020 05:50 PM IST
corona virus btn
corona virus btn
Loading