گو فرسٹ کی سبھی اڑان تین چار مئی کو رد، ایئر لائنز نے فلائٹ بکنگ بند کی

نئی دہلی : گو فرسٹ نے تین اور چار مئی کو اپنی سبھی اڑانوں کو رد کردیا ہے ۔ اس کیلئے اس نے فلائٹ بکنگ بھی بند کردی ہے ۔ اے این آئی کے مطابق ایئر لائن نے ڈی جی سی اے کو اپنے فیصلہ کے بارے میں بتادیا ہے ۔ ممبئی میں واقع کم لاگت والی ایئرلائنز نے بھی اگلے دو دنوں کیلئے فلائٹ بکنگ بند کردی ہے ۔ یہ فیصلہ مالی تنگی کے پیش نظر کیا گیا ہے ۔

گو فرسٹ نے منگل کو کہا کہ اس نے گھریلو ایئرلائن میں مالی بحران کی وجہ سے تین اور چار مئی کیلئے سبھی اڑانیں رد کردی ہیں ۔ انڈین ایوی ایشن ریگولیٹر کے مطابق پروازوں میں کمی اور منسوخی کی وجہ سے گو فرسٹ کا مارکیٹ شیئر جنوری میں 8.4 فیصد سے کم ہو کر مارچ میں 6.9 فیصد ہوگیا۔

نیوز ایجنسی اے این آئی نے کہا کہ ایئرلائن کے پاس آئل مارکیٹنگ کمپنیوں ( او ایم سی) کو ان کا بقایہ ادا کرنے کیلئے فنڈز کی کمی ہے ۔ او ایم سی کے ایک اہلکار نے بتایا کہ بجٹ ایئر لائن کیش اینڈ کیری ماڈل پر کام کرتی ہے، جس کا مطلب ہے کہ اسے ہر فلائٹ کے لئے روزانہ او ایم سی کو ادائیگی کرنی پڑتی ہے اور اگر ادائیگی نہیں کی جاتی ہے تو وہ کاروبار بند کر سکتے ہیں ۔

یہ بھی پڑھئے: دہلی شراب گھوٹالہ: اب ED کی سپلیمنٹری چارج شیٹ میں آیا راگھو چڈھا اور کیلاش گہلوت کا نام

یہ بھی پڑھئے: شرد پوار کا این سی پی کے صدر کے عہدے سے استعفیٰ کا اعلان، کہا: کہیں تو رکنا ہوگا

اب گو فرسٹ فنڈز اکٹھا کرنے کی کوشش کر رہا ہے اور واڈیا گروپ کے مالک اکثریتی حصص بیچنے یا کمپنی سے مکمل طور پر باہر نکلنے کیلئے بات چیت کر رہے ہیں ۔