تمل ناڈو میں فوج کے جوان کا پیٹ پیٹ کر قتل، کونسلر سمیت چھ ملزم گرفتار

کرشناگری : تمل ناڈو کے کرشنا گری میں ڈی ایم کے کے ایک عہدیدار اور اس کے ساتھیوں نے فوج کے جس جوان کی بری طرح سے پٹائی کی تھی، اس کی موت ہوگئی ہے اور اس معاملہ میں چھ لوگوں کو گرفتار کیا گیا ہے ۔ پولیس نے بدھ کو یہ جانکاری دی ۔ پولیس نے کہا کہ 29 سالہ لانس نائک ایم پربھو پر پارٹی کے چناسوامی نام کے عہدیدار نے گھات لگاکر حملہ کیا اور ان کے ساتھ بری طرح سے مار پیٹ کی ۔ اس واقعہ میں سنگین طور سے زخمی ہوئے جوان کو اسپتال میں داخل کرایا گیا تھا ، جہاں آج ان کی موت ہوگئی ۔

آٹھ فروری کو پربھو اور ان کے بھائی پربھاکرن کا پوچم پلی کے ویلم پٹی میں نگر پنچایت کی پانی کی ٹنکی کے پاس کپڑے دھونے کو لے کر ڈی ایم کے عہدیدار چناسوامی کے ساتھ تنازع ہوگیا تھا ۔

اسی دن شام کو چنا سوامی اور اس کے ساتھیوں نے مبینہ طور پر پربھو اور پربھاکرن پر حملہ کردیا تھا۔ پربھو کو ہوسور کے ایک پرائیویٹ اسپتال میں داخل کرایا گیا تھا ۔ نگرسم پٹی پولیس نے پہلے آئی پی سی کی دفعہ 307 (قتل کی کوشش) کے تحت معاملہ درج کیا تھا ۔ اب دفعہ 302 (قتل) کے تحت معاملہ درج کیا گیا ہے ۔

یہ بھی پڑھئے: ہیٹ اسپیچ کو لے کر سپریم کورٹ میں عرضی داخل، مسلم اور عیسائیوں پر لگایا گیا یہ بڑا الزام

یہ بھی پڑھئے: قتل سے پہلے کا نکی یادو کا سسی ٹی وی فوٹیج آیا سامنے، اس حالت میں آئی نظر

لیفٹیننٹ کرنل این تیاگ راجن نے ٹویٹ کیا کہ پوچم پلی علاقہ میں ڈی ایم کے کے کونسلر چناسوامی نے فوج کے جوان پربھو کی بری طرح پٹائی کی، جس کے بعد ان کی موت ہوگئی ۔ تمل ناڈو کے وزیراعلی کو مناسب کارروائی کرنی چاہئے ۔