!مایاوتی نے دکھائی دریا دلی، گیسٹ ہاؤس واقعے میں ملائم سنگھ کے خلاف مقدمہ لیا واپس

ذرائع کے مطابق، اسی سال جنوری میں سماجوادی پارٹی اور بہوجن سماج پارٹی کے درمیان ہوئے اتحاد کے بعد اکھلیش یادو نے ملائم سنگھ یادو کے خلاف گیسٹ ہاؤس واقعے میں مقدمہ واپس لینے کی درخواست کی تھی۔

Nov 08, 2019 12:45 PM IST | Updated on: Nov 08, 2019 01:07 PM IST
!مایاوتی نے دکھائی دریا دلی، گیسٹ ہاؤس واقعے میں ملائم سنگھ کے خلاف مقدمہ لیا واپس

Image: PTI)

لکھنؤ: بہوجن سماج پارٹی (بی ایس پی) کی سربراہ مایاوتی نے دریا دلی دکھاتے ہوئے سماجوادی پارٹی کے سرپرست ملائم سنگھ یادو کے خلاف گیسٹ ہاؤس واقعے  میں درج مقدمہ واپس لینے کیلئے حلف نامہ دیا ہے۔ ذرائع کے مطابق مایاوتی نے کیس واپسی کیلئے گزرے فروری میں ہی حلف نامہ دیا تھا۔ حالانکہ بی ایس پی کی جانب سے اس بات کی آفیشیل تصدیق نہیں ہوئی ہے۔ ذرائع کے مطابق لوک سبھا انتخابات سے پہلے ہوئے اتحاد  کے دوران ایس پی اور بی ایس پی کے درمیان اس بات پر فیصلہ ہوا تھا۔ اکھلیش یادو نے مایاوتی سے گیسٹ ہاؤس مقدمہ میں ملائم سنگھ کے خلاف کیس واپس لینے کی بات کہی تھی جس کے بعد فروری میں ہی مایاوتی نے ملائم سنگھ کے خلاف کیس واپس لینے کا حلف نامہ دے دیا تھا لیکن اس بات کو میڈیا میں لیک نہیں کیا گیا۔

اکھلیش یادو نے مایاوتی سے مقدمہ واپس لینے کی درخواست کی تھی

ذرائع کے مطابق، اسی سال جنوری میں سماجوادی پارٹی اور بہوجن سماج پارٹی کے درمیان ہوئے اتحاد کے بعد اکھلیش یادو نے ملائم سنگھ یادو کے خلاف گیسٹ ہاؤس واقعے میں مقدمہ واپس لینے کی درخواست کی تھی۔ جس کے بعد فروری میں کیس واپس لینے کا حلف نامہ دے دیا گیا لیکن اسے خفیہ رکھا گیا۔ اس معاملے میں جب ایک سینئر بی ایس پی لیڈر سے بات کی گئی تو انہوں نے کچھ بھی بولنے سے انکار کردیا۔

Loading...

why uttar pradesh by election result 2019 is alarming for bahujan samaj party and mayawati

بتا دیں کہ لوک سبھا انتخابات 2019 کے دوران یوپی کے مین پوری میں ایس پی۔ بی ایس پی کی  مشترکہ ریلی میں مایاوتی نے کہا تھا کہ وہ گیسٹ ہاؤس واقعے کو بھلانے اور معاف کرنے کیلئے تیار ہیں۔

Loading...