உங்கள் மாவட்டத்தைத் தேர்வுசெய்க

    Varanasi: گیان واپی ۔ شرنگار گوری کیس میں بڑا موڑ، مندر فریق کی عرضی گزار راکھی سنگھ واپس لیں گی کیس

    Varanasi: گیان واپی ۔ شرنگار گوری کیس میں بڑا موڑ، مندر فریق کی عرضی گزار راکھی سنگھ واپس لیں گی کیس (File Photo)

    Varanasi: گیان واپی ۔ شرنگار گوری کیس میں بڑا موڑ، مندر فریق کی عرضی گزار راکھی سنگھ واپس لیں گی کیس (File Photo)

    وشو ویدک سناتن سنگھ نے وارانسی کے اس مشہور مسجد احاطہ میں واقع شرنگار گوری کے مستقل درشن اور پوجا ارچنا کیلئے عدالت میں داخل عرضی واپس لینے کا اعلان کیا ہے ۔ سناتن سنگھ کے سربراہ جتیندر سنگھ بسین نے اتوار کو خود یہ جانکاری دی ۔

    • Share this:
      وارانسی : اترپردیش سمیت ملک بھر میں ان دنوں سرخیوں میں رہے گیان واپی مسجد اور شرنگار گوری مندر کیس میں اتوار کو بڑا موڑ آتا ہوا نظر آرہا ہے ۔ وشو ویدک سناتن سنگھ نے وارانسی کے اس مشہور مسجد احاطہ میں واقع شرنگار گوری کے مستقل درشن اور پوجا ارچنا کیلئے عدالت میں داخل عرضی واپس لینے کا اعلان کیا ہے ۔

       

      یہ بھی پڑھئے: ملک میں گزشتہ 24 گھنٹوں میں کورنا کے 3451 نئے معاملات اور 40 اموات، 20635 ایکٹیو کیسز


      سناتن سنگھ کے سربراہ جتیندر سنگھ بسین نے اتوار کو خود یہ جانکاری دی ۔ جتیندر بسین کی قیادت میں ہی ان کی بھتیجی راکھی سنگھ سمیت پانچ خواتین نے وارانسی کی ضلع عدالت میں عرضی داخل کی تھی ۔ جتیندر سنگھ نے نیوز18 کو بتایا کہ راکھی سنگھ کل دہلی سے وارانسی پہنچیں گی اور مندر فریق کی طرف سے اپنا مقدمہ واپس لیں گی ۔ حالانکہ انہوں نے اچانک مقدمہ واپس لینے کے پیچھے کی وجہ نہیں بتائی ۔

       

      یہ بھی پڑھئے: جموں و کشمیر کے ارنیا سیکٹر میں نظر آیا پاکستانی ڈرون، BSF کی جوابی کارروائی، واپس لوٹا


      بتادیں کہ دہلی کی راکھی سنگھ ، لکشمی دیوی ، سیتا ساہو اور دیگر کی یومیہ پوجا اور شرنگار گوری میں انوشٹھان کرنے کی اجازت کی مانگ کرنے والی عرضی پر مذہبی مقام کی ویڈیو گرافی اور سروے کرنے کیلئے اسی عدالت کے پہلے کے حکم پر عمل شروع کیا گیا ہے ۔ انہوں نے 18 اپریل 2021 کو اپنی عرضی کے ساتھ عدالت کا رخ کیا تھا اور مخالفین کو مورتیوں کو نقصان پہنچانے سے روکنے کی مانگ کی تھی ۔

      ان کی عرضی پر عدالت کے ذریعہ مقرر کردہ کورٹ کمشنر نے جمعہ کو وارانسی کی ایک عدالت کے حکم پر یہاں گیان واپی ۔ شرنگار گوری احاطہ میں گیان واپی مسجد کے باہر کچھ علاقوں کی ویڈیو گرافی اور سروے کیا تھا ۔ اس کے بعد مسلم فریق نے عدالت کے ذریعہ مقرر کردہ کمشنر کو تبدیل رکنے کی عرضی داخل کی تھی ، جس پر وارانسی کے سول جج ( سینئر ڈویزن) روی کمار کی عدالت میں ہفتہ کی صبح سماعت ہوئی ۔ عدالت نے عرضی پر سماعت کے بعد گلی سماعت نو مئی کو کرنے تک فیصلہ محفوظ رکھ لیا تھا ۔
      Published by:Imtiyaz Saqibe
      First published: