Uttarakhand میں لاگو ہوگا یونیفارم سول کوڈ، وزیر اعلی پشکر سنگھ دھامی نے کیا بڑا اعلان، جانئے پوری تفصیل

نئی دہلی : اتراکھنڈ کے نئے وزیر اعلی پشکر سنگھ دھامی نے حلف لینے کے ایک دن بعد جمعرات کو ایک بڑا اعلان کیا ۔ انہوں نے کہا کہ ہم نے یونیفارم سول کوڈ پوری ریاست میں لاگو کرنے کا فیصلہ کیا ہے ۔ انہوں نے جانکاری دی کہ ریاستی کابینہ نے اس فیصلہ پر اپنی رضامندی ظاہر کی ہے ۔ وزیرا علی نے بتایا کہ اب اس معاملہ پر بہت جلد ماہرین کی ایک ٹیم تشکیل دی جائے گی اور ریاست بھر میں یونیفارم سول کوڈ لاگو کیا جائے گا ۔ آپ کو بتادیں کہ ملک بھر میں اتراکھنڈ پہلی ایسی ریاست ہے جو یونیفارم سول کوڈ کو لاگو کرنے جارہی ہے ۔

 

یہ بھی پڑھئے : Alert! اپنے فون سے فورا ہٹائیں یہ ایپ اور جلد از جلد تبدیل کرلیں فیس بک کا پاس ورڈ! ورنہ....

آپ کو بتادیں کہ اسمبلی انتخابات میں بی جے پی کی دھماکہ دار جیت کے بعد پشکر سنگھ دھامی کو قانون ساز کونسل کا لیڈر منتخب کیا گیا تھا ۔ وزیر اعلی دھامی نے بدھ کو اپنے عہدہ کا حلف لیا تھا اور وزیر اعلی بنتے ہی انہوں نے عوام سے کیا اپنا سب سے بڑا وعدہ پورا کیا ۔ بھارتیہ جنتا پارٹی نے اتراکھنڈ اسمبلی انتخابات میں 70 سیٹوں پر جیت درج کی تھی ۔

We have decided to implement Uniform Civil Code in the state. The state cabinet unanimously approved that a committee (of experts) will be constituted at the earliest & it will implemented in the state. This will be the first state to do so: Uttarakhand CM Pushkar Singh Dhami pic.twitter.com/GJNAdk1XbF

— ANI UP/Uttarakhand (@ANINewsUP) March 24, 2022

یہ بھی پڑھئے : شادی شدہ مسلم خواتین کو معشوقہ بننے کا آفر دیتا ہے یہ شخص، بھیجتا ہے ایسے میسجز، جان کر اڑ جائیں گے ہوش!

اپنی ہر ریلی میں انہوں نے عوام سے وعدہ کیا تھا کہ اگر ریاست کے وزیر اعلی بنے تو سب سے پہلے ریاست میں یونیفارم سول کوڈ لاگو ہوگا ۔ نیوز ایجنسی اے این آئی کے مطابق اس اعلان سے پہلے وزیرا علی دھامی نے کہا کہ وزیر اعظم مودی نے جو مجھ پر اعتماد کیا ہے اور دوبارہ کام کرنے کا موقع دیا ہے ، اس کیلئے میں ان کا شکریہ ادا کرتا ہوں ۔

انہوں نے کہا کہ ہم ریاست میں یونیفارم سول کوڈ لاگو کرنے کے ساتھ ساتھ عوام سے کئے سبھی وعدوں کو پورا کریں گے ۔