نتیش کمار نے کی ملکاارجن کھڑگے اور راہل گاندھی سے ملاقات، اپوزیشن اتحاد کو لے کر کانگریس نے کیا بڑا اعلان

نئی دہلی : لوک سبھا انتخابات 2024 کے لئے اپوزیشن پارٹیاں متحد ہونے کی کوشش کر رہی ہیں۔ اس سلسلے میں بہار کے وزیر اعلیٰ نتیش کمار نے پیر کو کانگریس صدر ملکاارجن کھڑگے اور راہل گاندھی سے ملاقات کی۔ میٹنگ میں بی جے پی کے خلاف حکمت عملی بنانے سے لے کر ہر ریاست میں کس طرز پر تیاری کرنی ہے، اس پر تبادلہ خیال کیا گیا۔ اجلاس میں فیصلہ کیا گیا کہ جلد ہی اپوزیشن جماعتوں کا ایک اجلاس منعقد کیا جائے گا۔ اجلاس کی تاریخ اور مقام کا اعلان 1-2 دن کے اندر کیا جائے گا۔

میٹنگ کے بارے میں کانگریس صدر ملکاارجن کھڑگے نے کہا کہ کانگریس لیڈر راہل گاندھی اور میں نے بہار کے وزیر اعلیٰ نتیش کمار سے موجودہ سیاسی صورتحال پر تبادلہ خیال کیا ہے۔ اس میں ملک کو ایک نئی سمت دینے کے عمل کو آگے بڑھایا گیا ہے۔ کھڑگے اور راہل کے ساتھ نتیش کی ملاقات کے بعد کانگریس کے تنظیمی جنرل سکریٹری کے سی وینوگوپال نے کہا کہ اپوزیشن جماعتوں کی میٹنگ کی تاریخ اور مقام کا فیصلہ ایک یا دو دن میں کیا جائے گا۔ اس اجلاس میں کئی سیاسی جماعتیں شرکت کریں گی۔

#WATCH | Bihar CM Nitish Kumar meets Congress national president Mallikarjun Kharge and party leader Rahul Gandhi at Congress chief Kharge's residence.

(Source: AICC) pic.twitter.com/IERTSQMItm

— ANI (@ANI) May 22, 2023

اس میٹنگ کے بارے میں جے ڈی یو کے صدر للن سنگھ نے کہا کہ جلد ہی اپوزیشن پارٹیاں ایک بڑی میٹنگ کریں گی۔ ملاقات میں اپوزیشن کے اتحاد پر بات ہوئی ہے۔ اس پر سب سے بات کریں گے اور ایک دو دن میں سب کو بتائیں گے۔

یہ بھی پڑھئے: منی پور کی راجدھانی امپھال میں پھر تشدد، کئی مقامات پر آگ زنی، کرفیو نافذ، فوج طلب

یہ بھی پڑھئے: شاہ رخ خان کے ساتھ ہوئی چیٹ کیوں لیک کی؟ بامبے ہائی کورٹ نے سمیر وانکھیڑے کو لگائی پھٹکار

اس سے پہلے کرناٹک میں ہفتہ کو سدارمیا اور ان کی حکومت کے وزراء کی حلف برداری کی تقریب میں کئی سرکردہ اپوزیشن لیڈروں کو دیکھا گیا تھا اور یہاں سے اپوزیشن اتحاد کا پیغام دینے کی کوشش کی گئی تھی۔