Land For Job Scam: سات گھنٹے کی پوچھ گچھ کے بعد باہر نکلی لالو پرساد یادو کی بیٹی میسا بھارتی

نئی دہلی : زمین کے بدلے نوکری سے وابستہ معاملہ میں جانچ ایجنسیوں کی لالو پرساد یادو کی فیملی سے پوچھ گچھ لگاتار جاری ہے ۔ آر جے ڈی سپریمو لالو پرساد کی بڑی بیٹی میسا بھارتی سے اس کیس میں ہفتہ کو طویل پوچھ گچھ ہوئی ہے ۔ میسا بھارتی ہفتہ کی شام پوچھ گچھ کے بعد ای ڈی کے دفتر سے باہر آئیں ۔

معلومات کے مطابق میسا بھارتی سے تقریبا سات گھنٹوں تک پوچھ گچھ کی گئی ۔ ای ڈی کی پوچھ گچھ کے بعد میسا بھارتی نے کہا کہ آج کی پوچھ گچھ پوری ہوئی، ابھی کچھ زیادہ نہیں بولنا ہے، کیونکہ ابھی جانچ عمل جاری ہے ۔ میسا نے بتایا کہ آج جو بھی سوالات مجھ سے پوچھے گئے، ان سبھی سوالات کا جواب ہم نے دیا ہے ۔

انہوں نے مزید کہا کہ آگے جب بھی ہمیں پوچھ گچھ کیلئے بلایا جائے گا، جانچ ایجنسی کو تعاون کرتے ہوئے ضرور آوں گی ۔ اس سے پہلے لنچ بریک کے بعد لالو پرساد یادو کی بیٹی اور راجیہ سبھا رکن میسا بھارتی سے دوسرے راونڈ کی پوچھ گچھ کی گئی تھی ۔

یہ بھی پڑھئے: کورونا کے بڑھتے معاملات نے بڑھائی تشویش، 10۔11 اپریل کو ملک بھر میں ماک ڈرل

یہ بھی پڑھئے: راہل گاندھی کے الزامات پر بی جے پی کا جوابی حملہ، روی شنکر نے کہا : پسماندوں کی توہین کی

میسا کو ایک گھنٹے کیلئے بریک دیا گیا تھا ۔ میسا بھارتی سے زمین کے بدلے نوکری سے وابستہ معاملات میں پوچھ گچھ کی جارہی ہے ۔