بی جے پی نے ایمرجنسی کے معاملہ پر ویڈیو دکھا کر کانگریس پر کیا حملہ

نئی دہلی۔ بھارتیہ جنتا پارٹی نے ایمرجنسی پر کانگریس پر حملہ کرتے ہوئے ایک ویڈیو جاری کر کے ہندوستانی تاریخ میں اسے سیاہ باب قرار دیا ہے۔

Jun 26, 2018 07:14 PM IST | Updated on: Jun 26, 2018 07:14 PM IST
بی جے پی نے ایمرجنسی کے معاملہ پر ویڈیو دکھا کر کانگریس پر کیا حملہ

ویڈیو فوٹیج

نئی دہلی۔ بھارتیہ جنتا پارٹی نے ایمرجنسی پر کانگریس پر حملہ کرتے ہوئے ایک ویڈیو جاری کر کے ہندوستانی تاریخ میں اسے سیاہ باب قرار دیا ہے۔ بی جے پی نے 26جون 1975کے اخباروں کے تراشے اور وزیر اعظم نریندر مودی اور پارٹی صدر امت شاہ کی آواز والا ویڈیو جاری کیا ہے۔ بڑی تعداد میں لوگوں کی گرفتاری کو بھی ویڈیو میں دکھایا گیا ہے۔ مودی نے ویڈیو میں کہا کہ کانگریس نے ایمرجنسی میں پورے ملک کو جیل میں تبدیل کردیا تھا۔25جون 1975کی شب کو فراموش نہیں کیا جاسکتا ہے۔ انہوں نے کہا کہ اقتدار میں بنے رہنے کیلئے ایمرجنسی نافذ کی گئی تھی۔

وہیں، شاہ نے کہا کہ تقریباً ایک کروڑ افراد کو فیملی پلاننگ جیسے بہیمانہ قانون کا سامنا کرنا پڑا اور ایک سال کے اندر سرجری کے ذریعہ مردو ں کو گذرنا پڑا۔ انہوں نے کہا کہ شادی کا پتہ کئے بغیر ہر عمر کے لوگوں کی نسبندی کردی گئی۔ انہوں نے کہا کہ 25جون 1975سے مارچ1977تک یعنی 21 مہینے تک ایمر جنسی یا آمرانہ حکومت چلائی گئی۔اس دوران اس وقت کی وزیر اعظم اندرا گاندھی نے میڈیا کی آزادی پر قدغن لگانے سمیت شہری حقوق کوختم کردیا تھا۔

 شاہ نے کہا کہ اس وقت سپریم کورٹ کے تین سینئر ججوں کو برخاست کرکے جسٹس اے این مورتی کو چیف جسٹس مقرر کیا گیا تھا۔ بھارتیہ جنتا پارٹی ملک کے الگ الگ حصوں میں ایمرجنسی پر کانفرنس کرے گی۔

Loading...

Loading...