ہریانہ میں بی جے پی تشکیل دی گی حکومت، دیوالی کے بعد منوہر لال کھٹردوبارہ لیں گے حلف

ہریانہ اسمبلی انتخابات کے نتائج آنے کے بعد وزیراعلیٰ منوہر لال کھٹر نے ریاست میں دوبارہ حکومت بنانے کا دعویٰ پیش کرنے سےپہلے آج صبح یہاں بی جے پی کے کارگذار جے پی نڈا سے ملاقات کی۔جے پی نڈا کی رہائش گاہ پر ہوئی اس ملاقات کے وقت بی جے پی کے قومی جنرل سکریٹری بی ایل سنتوش بھی موجود تھے ۔ بعد میں تین آزاد رکن اسمبلی سوموير سانگوان، راکیش دولت آباد اور نین پال راوت بھی جے پی نڈا کی رہائش گاہ پر پہنچے۔

 

#Haryana BJP President Subhash Barala: People have given a mandate to BJP. However, we will introspect on why did the party get 7 seats less this time. Both the party & I will learn from results of these elections. We'll take steps to strengthen the party in the state. pic.twitter.com/VJDNkDJG7q

— ANI (@ANI) October 25, 2019

ملاقات کے بعد ذرائع نے بتایا کہ تمام آزاد ارکان اسمبلی نے بی جے پی کو حمایت دینے کا فیصلہ کیاہے ۔ کارگذار صدر سے ملاقات کے پہلے منوہرلال کھٹرنے صحافیوں سے بات چیت میں کہا کہ وہ پرامیدہیں کہ بی جے پی ہریانہ میں دوبارہ حکومت بنانے جارہی ہے ۔ اس سلسلے میں وہ جلد ہی معلومات دیں گے ۔90 رکنی ہریانہ اسمبلی انتخابات کے گزشتہ روز اعلان کردہ نتائج کے مطابق بی جے پی اکثریت حاصل نہیں کر سکی لیکن 40 سیٹوں کے ساتھ سب سے بڑی پارٹی بن کر ابھری ہے ۔ کانگریس کو 31، جن نائک جنتا پارٹی کو 10 نشستیں، آزاد امیدواروں کو07، انڈین نیشنل لوک دل اور ہریانہ لوك ہت پارٹی کو 1۔1 سیٹ ملی ہے ۔  

BJP Haryana In-charge Anil Jain: With the blessing of people of Haryana, we will again form government in the state. We have emerged as the single largest party. pic.twitter.com/60ead1jz6w — ANI (@ANI) October 25, 2019

سرسا سے انتخابات جیتنے والے عصمت دری کے ملزم ہریانہ لوك ہت پارٹی کے لیڈرگوپال کانڈا سے حمایت لینے کے معاملے پرسوالات کا منوہر لال کھٹر نے کوئی جواب نہیں دیا۔اس سے پہلے گزشتہ دیر رات پارٹی صدرامت شاہ،جے پی نڈا اور ہریانہ کے انچارج جنرل سکریٹری انیل جین نے دیررات ملاقات کرکے ہریانہ میں حکومت بنانے کے تعلق سے تبادلہ خیال کیا تھا ۔ ذرائع نے یہ بھی بتایا کہ منوہرلال کھٹر آزاد ارکان اسمبلی کی حمایت کی تصدیق ہونے کے بعد گورنر کے سامنے دوبارہ حکومت بنانے کا دعویٰ پیش کریں گے اور ایساامکان ہے کہ وہ دیوالی کے بعد حلف لیں گے ۔ دارالحکومت دہلی کے ہریانہ بھون اور چانکیہ پوری میں واقع ہریانہ ایوان میں ارکان اسمبلی کی گہما گہمی کا ماحول ہے۔

 

Haryana's Independent Winning Candidate Randhir Golan:I was BJP worker for 30 years. I was in BJP, where did I go? BJP is my mother. pic.twitter.com/NssxPVYOeL

— ANI (@ANI) October 25, 2019