اسرائیلی سفارت خانے کے رہائشی کمپلیکس میں تعینات ہیڈ کانسٹیبل نے خود کو گولی مار لی، ابتدائی تفتیش میں چونکا دینے والے انکشافات

نئی دہلی. ملک کی راجدھانی دہلی سے بڑی خبر آ رہی ہے۔ اسرائیلی سفارتخانے کے رہائشی کمپلیکس میں تعینات ہیڈ کانسٹیبل نے خود کو گولی مار لی۔ ہیڈ کانسٹیبل کی خودکشی سے ہلچل مچ گئی ہے۔ دہلی پولیس نے بتایا کہ ہیڈ کانسٹیبل نے خود کو گولی مار کر خودکشی کرلی ہے۔ ابتدائی تفتیش کے حوالے سے پولیس نے بتایا ہے کہ ہیڈ کانسٹیبل نے گھریلو وجوہات کی بنا پر یہ قدم اٹھایا۔ جائے وقوعہ سے کوئی خودکشی نوٹ برآمد نہیں ہوا ہے۔ فی الحال معاملے کی جانچ کی جا رہی ہے۔

معلومات کے مطابق، بدھ کی صبح دہلی میں اسرائیل کے سفارت خانے میں اس وقت ہلچل مچ گئی جب وہاں تعینات دہلی پولیس کے ایک کانسٹیبل نے خودکشی کر لی۔ جوان نے خود کی پستول سے گولی مار کر خودکشی کی ہے۔ مرنے والے کی شناخت اشوک کمار کے طور پر کی گئی ہے۔ اشوک کمار دہلی پولیس میں ہیڈ کانسٹیبل کے طور پر کام کر رہے تھے۔

پاکستان مسلح درانداز کی ہندوستان میں گھسنے کی کوشش، دیکھتے ہی BSF نے مار گرایا

واقعے کی اطلاع ملتے ہی پولیس موقع پر پہنچ گئی اور لاش کو قبضے میں لے کر پوسٹ مارٹم کے لیے بھیج دیا۔ نیوز ایجنسی اے این آئی نے دہلی پولیس کے حوالے سے بتایا کہ ابتدائی تحقیقات سے پتہ چلا ہے کہ ہیڈ کانسٹیبل اشوک کمار نے گھریلو پریشانیوں کی وجہ سے یہ قدم اٹھایا۔