உங்கள் மாவட்டத்தைத் தேர்வுசெய்க

    CBI نے کارتی چدمبرم سمیت پانچ کے خلاف درج کیا کیس، رشوت لے کر چینی شہریوں کو ویزا دلانے کا معاملہ

    CBI نے کارتی چدمبرم سمیت پانچ کے خلاف درج کیا کیس، رشوت لے کر چینی شہریوں کو ویزا دلانے کا معاملہ (File Photo)

    CBI نے کارتی چدمبرم سمیت پانچ کے خلاف درج کیا کیس، رشوت لے کر چینی شہریوں کو ویزا دلانے کا معاملہ (File Photo)

    CBI file case against Karti chidambaram in illegal visa for chinease: سی بی آئی نے سابق وزیر خزانہ پی چدمبرم کے بیٹے اور رکن پارلیمنٹ کارتی چدمبرم اور 4 دیگر کے خلاف چینی کمپنیوں میں کام کرنے والے چینی شہریوں کو غیر قانونی ویزا دلوانے معاملہ میں کیس درج کیا ہے۔

    • Share this:
      نئی دہلی: سی بی آئی نے سابق وزیر خزانہ پی چدمبرم کے بیٹے اور رکن پارلیمنٹ کارتی چدمبرم اور 4 دیگر کے خلاف چینی کمپنیوں میں کام کرنے والے چینی شہریوں کو غیر قانونی ویزا دلوانے معاملہ میں کیس درج کیا ہے۔ یہ لوگ چینی کمپنیوں میں کام کرنے والے چینی شہریوں سے رشوت لے کر وزارت داخلہ کے ذریعہ مقرر کردہ حد سے زیادہ لوگوں کو پروجیکٹ ویزے فراہم کراتے تھے۔ وہ بھی اس وقت جب کارتی چدمبرم کے والد مرکز میں وزیر تھے۔ یعنی والد کے عہدے کا استعمال کرتے ہوئے کارتی چدمبرم نے چینی شہریوں سے مبینہ طور پر 50 لاکھ روپے رشوت لے کر ویزا فراہم کرایا ۔

       

      یہ بھی پڑھئے : Gyanvapi Masjid: شیولنگ کی جگہ کو محفوظ رکھا جائے، لیکن نماز میں رکاوٹ نہ ہو: سپریم کورٹ


      اے این آئی کی خبر کے مطابق جن چار لوگوں کی شناخت کی گئی ہے، چنئی میں کارتی چدمبرم کے قریبی ساتھی ایس بھاسکر رمن، ، پنجاب کے منسا میں واقع نجی کمپنی کے نمائندے وکاس مکھاڑیا، منسا میں میسرس تلونڈی سابو پاور لمیٹڈ کے نمائندے ، میسرس بیل ٹولس لمیٹیڈ ممبئی اوردیگر نامعلوم سرکاری ملازم اور نجی افراد ہیں ۔

       

      یہ بھی پڑھئے : Gyanvapi Mosque کے بعد اب متھرا کے شاہی عیدگاہ کو سیل کرنے کیلئے کورٹ میں دائرل ہوئی عرضی


      سی بی آئی کے مطابق کارتی چدمبرم نے اپنے ساتھیوں کے ساتھ مل کر 263 چینی شہریوں کو پنجاب میں بجلی کمپنی کیلئے ویزا حاصل کرنے میں مدد کی۔ حکام نے بتایا کہ کارتی پر 2011 میں 50 لاکھ روپے کی رشوت لے کر چینی شہریوں کو ویزا دلوانے کا الزام ہے۔ اس وقت کارتی کے والد پی چدمبرم مرکزی وزیر داخلہ تھے۔

      ایف آئی آر درج کرنے کے بعد آج صبح سی بی آئی ٹیم نے ملک کے کئی شہروں میں 10 مقامات پر بیک وقت چھاپے مارے ، جن میں چدمبرم باپ بیٹے کی دہلی اور چنئی میں رہائش گاہ بھی شامل ہے۔ سی بی آئی کو بھاسکر رمن کے کمپیوٹر کی ہارڈ ڈرائیو سے 50 لاکھ روپے کے مشتبہ لین دین کے کچھ دستاویزات ملے تھے، جس کی بنیاد پر ایجنسی نے ابتدائی جانچ درج کی تھی۔ ابتدائی تفتیش کے نتائج میں پہلی نظر میں ایف آئی آر درج کرنے کے لیے کافی مواد دستیاب تھا۔
      Published by:Imtiyaz Saqibe
      First published: