گوگل کو لگا بڑا جھٹکا! کمپٹیشن کمیشن آف انڈیا نے لگایا 936.44 کروڑ کا جرمانہ

نئی دہلی : لیجنڈ ٹیک کمپنی گوگل کو ایک مرتبہ پھر بڑا جھٹکا لگا ہے ۔ دراصل کمپٹیشن کمیشن آف انڈیا ( سی سی آئی) نے گوگل پر 936.44 کروڑ روپے کا جرمانہ عائد کیا ہے ۔ سی سی آئی نے پلے اسٹور پالیسی میں اپنی پوزیشن کے غلط استعمال کرنے اور اینٹی کمپٹیٹو پریکٹس کی وجہ سے گوگل پر یہ جرمانہ عائد کیا ہے ۔

سی سی آئی نے پایا کہ گوگل نے اپنے دبدبہ کی پوزیشن کا غلط استعمال کیا ہے ۔ کمیشن نے کمپنی کو غیر منصفانہ کاروباری طریقوں کو روکنے کی ہدایت دی ہے ۔ سی سی آئی نے بیان میں کہا ہے کہ اس نے گوگل کو ہدایت دی ہے کہ وہ ایک مقررہ وقت کے اندر اپنے طرز عمل میں سدھار کریں ۔

سی سی آئی نے گوگل کو غیر مناسب کاروبار سرگرمیوں کو روکنے اور بند کرنے کی ہدایت دی ہے ۔ کمیشن کی آفیشیل جانکاری میں کہا گیا ہے کہ گوگل کو ایک مقررہ وقت کے اندر اپنے کام کاج کے طریقوں میں تبدیلی کرنے کی ہدایت بھی دی گئی ہے ۔

 

یہ بھی پڑھئے: کنگ چارلس۔ III نے سنک کو وزیراعظم مقرر کیا، رشی نے کہا: میں صرف باتیں نہیں کروں گا...

یہ بھی پڑھئے: ختم ہوا سوراج گرہن، شمال مشرقی ریاستوں کو چھوڑ کر ملک بھر میں نظر آیا جزوی گرہن

بتادیں کہ ایک ہفتہ سے بھی کم مدت میں یہ دوسرا موقع ہے جب گوگل کے خلاف سی سی آئی نے بڑا فیصلہ کیا ہے ۔ اس سے پہلے کمیشن نے 20 اکتوبر کو اینڈرائیڈ موبائل ڈیوائسز کے سلسلہ میں کئی بازاروں میں اپنے دبدبہ کی پوزیشن کا غلط استعمال کرنے کیلئے گوگل پر 1,337.76  کروڑ روپے کا جرمانہ عائد کیا تھا ۔

قابل ذکر ہے کہ سی سی آئی نے اپریل 2019 میں ملک میں اینڈرائیڈ بیسڈ اسمارٹ فون کے صارفین کی شکایتوں کے بعد معاملہ کی تفصیلی جانچ کا حکم دیا تھا ۔ گوگل پر ایپلی کیشن ڈسٹریبیوشن ایگریمنٹ اور اینٹی فریگمینٹیشن ایگریمیٹ جیسے دو سمجھوتوں میں غلط کاروباری سرگرمیاں اپنانے کا الزام لگایا گیا تھا ۔