پوتے کے ساتھ کھانا کھانے کی ملی سزا، بہو نے ساس کو زندہ جلایا

بیتول :  مدھیہ پردیش میں بیتول کے كوليا گاؤں میں ایک معمر خاتون کو اس کی بڑی بہو اور پوتے نے مل کر زندہ جلا کر مارنے کی کوشش کی ۔ اس واقعہ میں سن رسیدہ خاتون تقریبا 60 فیصد جل گئی ہے ۔ واقعہ کے پیچھے کی وجہ ساس بہو کا آپسی تنازعہ بتایا جا رہا ہے ۔

یہ معاملہ بیتول کے چوپنا تھانہ علاقے کے كوليا گاؤں کا ہے ، جہاں 65 سال کی سن رسیدہ خاتون گوری کا اپنی بڑی بہو سے پرانا خاندانی تنازعہ ہے ۔ متاثرہ گوری کی طرف سے پولیس کو دیئے گئے بیان کے مطابق بدھ کی رات گوری کا پوتا اس کے ساتھ بیٹھ کر کھانا کا رہا تھا جو بہو سے برداشت نہیں ہوا ، پہلے تو اس نے اپنے بیٹے کو اس کے پاس سے ہٹا دیا اور پھر اپنی ساس کے ساتھ جھگڑا کرنا شروع کر دیا ، اس دوران ساس نے معاملہ ختم کرنے کی کوشش کی ، کھانے کے اوپر یہ بحث تھوڑی دیر چلنے کے بعد بہو خاموش ہو گئی اور واپس کچن میں چلی گئی ، لیکن اس کا غصہ ٹھنڈا نہیں ہوا تھا ، دیر رات بہو نے اپنے بیٹے کو جگایا اور اس کے ساتھ آہستہ سے ساس کے کمرے میں داخل ہوگئی اور ساس پر كیروسين ڈال کر آگ لگا دی ۔

سن رسیدہ خاتون کی چینخ سن کر پڑوسی موقع پر پہنچے اور انہوں نے زندہ جل رہی گوری کے جسم پر سے آگ بجھائی ، جس کے بعد وہ اسے سنگین حالت میں فوری طور پر ضلع اسپتال لے گئے ۔ ہوش میں آنے کے بعد شدید طور پر جھلس چکی گوری کا بیان لینے کے بعد پولیس نے ملزم بہو کو حراست میں لے لیا ہے ۔ وہیں ڈاکٹروں کے مطابق خاتون کی حالت نازک ہے، لیکن اسے بچانے کی ہر ممکن کوشش جاری ہے ۔