اس شک میں شخص کو برہنہ کرکے پیٹا اور پھر کرایا یہ کام، ویڈیو بناکر کیا وائرل

مندسور کی سبزی منڈی میں پیر کو حران کردینے والا واقعہ سامنے آیا ہے۔ یہاں پر لہسن چوری کرنے کے شک میں کسانوں نے ایک شخص کو پکڑ لیا۔ اس کے بعد اس کے کپڑے اتار کر اس کو پیٹا گیا۔ بات یہیں ختم نہیں ہوئی۔ وہاں موجود دیگر لوگوں نے اس کا ویڈیو بنایا اور پھر سوشل میڈیا پر وائرل کردیا۔

پولیس نے کہا۔ ہوگی سخت کارروائی۔

اب پولیس کو معاملے کی اطلاع ملی ہے۔ اس سلسلے میں پولیس کا کہنا ہےکہ یہ معاملہ نازک ہے اور اس کی جانچ شروع کردی گئی ہے۔ جو بھی ملزم ویڈیو میں نظر آرہے ہیں ان کے خلاف کارروائی کی جائے گی۔ معاملے میں کچھ لوگوں سے پوچھ۔گچھ بھی کی گئی ہے اور جلد ہی ملزموں کو پکڑ لیا جائے گا۔

MP: Man stripped naked and thrashed on suspicion of stealing garlic from a wholesale vegetable market in Mandsaur. SL Baurasi,Police Station Incharge, says 'This is a very serious matter,we have begun investigation and the culprits who are seen in the video will be acted against' pic.twitter.com/3lxX4Rbzfb

— ANI (@ANI) January 7, 2020

پہلے کپڑے اتارے، پیٹا اور پھر اٹھوائی بوریاں
مندسور کرشی اپج منڈی میں لہسن چوری کرنے کے الزام میں کسانوں نے ایک شخص کو پہلے برہنہ کیا اور اس کے بعد اس کو لوگوں نے جم کر پیٹا۔ بعد میں اسی حالت میں اس سے لہسن کی بوریاں بھی اٹھوائیں۔ اس دوران کچھ لوگوں نے اس کا ویڈیو بناکر وائرل کردیا۔ ویڈیو وائرل ہونے کے بعد پولیس نے معاملےکو نوٹس میں لیا۔