روحانی گرو بھیوجی مہاراج نے خود کو گولی ماری، اسپتال میں موت

روحانی گرو بھیوجی مہاراج نے خود کو گولی مار کر خود کشی کر لی ہے۔ انہوں نے سر میں گولی ماری تھی۔ انہیں اندور کے بامبے اسپتال میں بھرتی کرایا گیا تھا، جہاں ڈاکٹروں نے انہیں مردہ قرار دے دیا۔ ابھی تک ان کی خودکشی کی وجہ کا پتہ نہیں چل سکا ہے۔ بھیوجی نے پہلی بیوی کی موت کے بعد پچھلے سال ہی دوسری شادی کی تھی۔

اطلاعات کے مطابق، بھیو مہاراج نے منگل کی دوپہر کو سلور اسپرنگ واقع اپنے بنگلہ کی دوسری منزل پر خود کو گولی مار لی۔ بتایا جا رہا ہے کہ گزشتہ تین دنوں سے خاندانی تنازعات کی وجہ سے وہ بہت پریشان تھے۔ اس وجہ سے ڈپریشن کے مدنظر انہوں نے خود کو گولی مار لی۔

بتا دیں کہ بھیو مہاراج سیاست میں گہرا اثر ورسوخ رکھتے تھے۔ حال ہی میں شیوراج حکومت نے انہیں وزیر مملکت کا درجہ بھی دیا تھا۔ حالانکہ انہوں نے حکومت کی اس تجویز کو مسترد کر دیا تھا۔ انہوں نے کہا تھا کہ سنتوں کے لئے عہدہ کی اہمیت نہیں ہوتی۔ انہوں نے کہا تھا کہ ہمارے لئے لوگوں کی خدمت کرنا زیادہ اہمیت کا حامل ہے۔