உங்கள் மாவட்டத்தைத் தேர்வுசெய்க

    Helicopter Crash In Raipur:رائے پور میں ایئرپورٹ پر ہیلی کاپٹر ہوا حادثے کا شکار، پائلٹ اور کو پائلٹ کی موت، CM بھوپیش بگھیل کا اظہار افسوس

    اچانک دھماکے سے تباہ ہونے والا ہیلی کاپٹر حادثے میں بری طرح ہوا تباہ۔

    اچانک دھماکے سے تباہ ہونے والا ہیلی کاپٹر حادثے میں بری طرح ہوا تباہ۔

    Helicopter Crash In Raipur:سی ایم بگھیل نے ٹویٹ کیا کہ رائے پور کے ہوائی اڈے پر سرکاری ہیلی کاپٹر کے گرنے کی افسوسناک خبر ملی۔ ہمارے دونوں پائلٹ کیپٹن پانڈا اور کیپٹن سریواستو اس المناک حادثے میں ہلاک ہو گئے۔

    • Share this:
      رائے پور: Helicopter Crash In Raipur: چھتیس گڑھ کی راجدھانی رائے پور کے مانا میں واقع سوامی وویکانند ہوائی اڈے پر جانچ کے دوران چھتیس گڑھ حکومت کا ہیلی کاپٹر جمعرات کی رات تقریباً 9 بجے لینڈنگ کے دوران گر کر تباہ ہو گیا۔ اس حادثے میں پائلٹ اور کو پائلٹ کی موقع پر ہی موت ہو گئی۔ مانا ایئرپورٹ پر ہیلی کاپٹر گرنے کا یہ پہلا واقعہ ہے۔

      معلومات کے مطابق، سینئر پائلٹ اے پی سریواستو اور کو پائلٹ گوپال کرشن پانڈا جمعرات کو جانچ کے دوران ہیلی کاپٹر میں سوار تھے۔ رات 9 بجے کے قریب لینڈنگ کے دوران ہیلی کاپٹر ایک زوردار دھماکے سے گر کر تباہ ہو گیا۔ جس سے ایئرپورٹ پر خوف و ہراس پھیل گیا۔ اطلاع ملتے ہی سی آئی ایس ایف اور فائر بریگیڈ کی ٹیم موقع پر پہنچی اور کسی طرح اندر پھنسے پائلٹ اور کو پائلٹ کو باہر نکالا۔

      یہ بھی پڑھیں:
      تبلیغی جماعت معاملے میں بلیک لسٹ میں ڈالے گئے غیرملکیوں کے ویزادرخواستوں پرکیاجائے غور:SC

      حادثے میں ہیلی کاپٹر کے دونوں پائلٹ شدید زخمی ہوگئے۔ جنہیں فوری طور پر ریسکیو آپریشن کے بعد علاقے کے اسپتال میں داخل کرایا گیا۔ جہاں ڈاکٹروں نے دونوں کو مردہ قرار دے دیا۔ بتایا جاتا ہے کہ حادثے کے بعد ہیلی کاپٹر کو شدید نقصان پہنچا ہے۔ وزیر اعلی بھوپیش بگھیل نے ٹویٹ کرکے حادثے میں پائلٹ اور کو پائلٹ کی موت پر افسوس کا اظہار کیا ہے۔

      یہ بھی پڑھیں:
      Bhopal News: بھوپال کی آخری خاتون فرمانروا نواب سلطان جہاں بیگم کو کیا گیا فراموش

      سی ایم بگھیل نے ٹویٹ کیا کہ رائے پور کے ہوائی اڈے پر سرکاری ہیلی کاپٹر کے گرنے کی افسوسناک خبر ملی۔ ہمارے دونوں پائلٹ کیپٹن پانڈا اور کیپٹن سریواستو اس المناک حادثے میں ہلاک ہو گئے۔ ایشور ان کے اہل خانہ کو طاقت اور مرحوم کی روح کو سکون عطا فرمائے۔ چھتیس گڑھ کی گورنر انوسویا یوکی نے بھی حادثے میں ہلاک ہونے والے پائلٹوں کو خراج عقیدت پیش کیا اور سوگوار خاندانوں سے تعزیت کی۔
      Published by:Shaik Khaleel Farhaad
      First published: