چھتیس گڑھ: بستر میں کان دھنسی، 7 مزدوروں کی موت، کئی مقامی لوگ پھنسے، راحت اور بچاو کام جاری

رائے پور: چھتیس گڑھ کے بستر ضلع میں جمعہ کو ایک بڑا حادثہ پیش آیا ۔ جگدل پور شہر کے مال گاوں میں ریت کی کان دھنسنے سے سات لوگوں کی موت ہوگئی ۔ کئی مزدور ابھی بھی کان میں پھنسے ہیں ۔ جانکاری حاصل ہوتے ہی این ڈی آر ایف کی ٹیمیں وہاں پہنچی ہیں اور راحت بچاو کام شروع کیا ۔ مہلوکین میں چھ خواتین اور ایک مرد شامل ہیں ۔ پانچ لوگوں کی موت کان کے اندر ہی ہوگئی تھی جبکہ دو لوگوں نے اسپتال لے جاتے وقت دم توڑ دیا ۔ حادثہ کو لے کر ریاست کے وزیر اعلی بھوپیش بگھیل نے افسوس کا اظہار کیا ہے ۔

حادثہ کو لے کر چھتیس گڑھ کے وزیر اعلی بھوپیش بگھیل نے غم کا اظہار کیا ہے ۔ انہوں نے ٹویٹ کیا کہ جگدل پور کے مال گاوں میں ایک کان میں حادثہ کے دوران چھ مزدوروں کی افسوسناک موت کی خبر ملی ہے ۔ بھگوان مہلوکین کی روح کو سکون دیں اور ان کے اہل خانہ کو ہمت دے ۔ ساتھ ہی زخمیوں کے جلد صحت یاب ہونے کی دعا کرتا ہوں ۔ دیگر پھنسے ہوئے لوگ بحفاظت نکلیں، ایسی دعا ہے ۔

जगदलपुर के मालगांव में एक खदान में हादसे के दौरान 6 श्रमिकों की दुखद मृत्यु का समाचार मिला है।
ईश्वर दिवंगत श्रमिकों की आत्मा को शांति एवं उनके परिवारों को हिम्मत दे।
साथ ही घायलों के शीघ्र स्वास्थ्य लाभ की कामना करता हूँ। अन्य फंसे हुए लोग सुरक्षित निकलें, ऐसी प्रार्थना है।

— Bhupesh Baghel (@bhupeshbaghel) December 2, 2022

یہ بھی پڑھئے: سستے ہوسکتے ہیں پٹرول اور ڈیزل! سرکار نے امپورٹ پر ونڈ فال ٹیکس کم کرکے دیا اشارہ

یہ بھی پڑھئے: ہندوستان دورہ سے پہلے آسٹریلیا کو لگا جھٹکا، یہ کھلاڑی تین مہینے کیلئے میدان سے ہوا باہر

دراصل ریت کی کان سے مقامی لوگ چھوئی نکالتے ہیں ۔ چھوئی ایک طریقہ سے چونے کی شکل ہے ۔ اس کا استعمال مقامی لوگ اپنے گھر کی پیٹنگ کیلئے کرتے ہیں ۔

اکثر مقامی لوگ چھوئی کان میں گھس کر اس کو کھود کر نکالتے ہیں ۔ اس کی کان چونا پتھر سے کمزور ہوتی اور حادثہ کا امکان برقرار رہتا ہے ۔