چینی فوجیوں نے اروناچل پردیش سے کیا 17 سالہ ہندوستانی لڑکے کا اغوا، رکن پارلیمنٹ نے مانگی مدد

نئی دہلی:اروناچل پردیش (Arunachal Pradesh) سے رکن پارلیمنٹ تاپر گاؤ (Tapir Gao) نے بدھ کو کہا ہے کہ چین (Chinese Army) کی پیپلز لبریشن آرمی (PLA) نے ریاست میں ہندوستانی علاقے کے اندر سیانگ ضلع سے 17 سالہ ایک لڑکے کو اغوا کرلیا ہے۔ گاو نے کہا کہ اغوا کنندہ لڑکے کی پہچان میرام ترون کے طور پر ہوئی ہے۔ انہوں نے کہا کہ چینی فوج نے سیونگلا علاقے کے لونگتا جور علاقے سے لڑکے کو کڈنیپ کرلیا۔ اس سے پہلے بھی چینی فوجیوں کی جانب سے اروناچل پردیش کے سرحدی علاقوں میں دراندازی کی خبریں آئی تھیں۔

1/2
Chinese #PLA has abducted Sh Miram Taron, 17 years of Zido vill. yesterday 18th Jan 2022 from inside Indian territory, Lungta Jor area (China built 3-4 kms road inside India in 2018) under Siyungla area (Bishing village) of Upper Siang dist, Arunachal Pradesh. pic.twitter.com/ecKzGfgjB7

— Tapir Gao (@TapirGao) January 19, 2022

رکن پارلیمنٹ لوور سوبنسری ضلع کے ضلع ہیڈکوارٹر زیرو سے فون پر پی ٹی آئی سے کہا کہ پی ایل اے سے بچ کر بھاگنے میں کامیاب رہے ترون کے دوست جانی یائینگ نے مقامی عہدیداروں کو کڈنیپ کے بارے میں جانکاری دی۔ انہوں نے بتایا کہ دونوں لڑکے زیڈو گاوں کے رہنے والے ہیں۔

2/2
His friend escaped from PLA and reported to the authorities.
All the agencies of Govt of India is requested to step up for his early release.@narendramodi @AmitShah @rajnathsingh @PemaKhanduBJP @ChownaMeinBJP @adgpi

— Tapir Gao (@TapirGao) January 19, 2022

رکن پارلیمنٹ نے کہا کہ یہ واقعہ اس مقام کے پاس پیش آیا، جہاں شیانگ ندی اروناچل پردیش میں ہندوستان میں داخل ہوتی ہے۔ اس سے پہلے گاو نے ٹوئٹ کر کے منگل کو لڑکے کے اغواہ کے بارے میں جانکاری شیئر کی تھی۔

انہوں نے ٹوئٹ کے ساتھ اغوا کیے گئے لڑکے کی تصویر شیئر کی اور کہا، ’حکومت ہند کی سبھی ایجنسیوں سے لڑکے کی جلد رہائی یقینی بنانے کی اپیل ہے۔‘ گاو نے یہ بھی کہا کہ انہوں نے اس واقعے کے بارے میں مرکزی مملکتی وزیر داخلہ نیشیتھ پرمانک کو اطلاع دی ہے۔