توانگ میں کشیدگی کے درمیان بیک فٹ پر ڈریگن، بحر ہند علاقے سے باہر نکلا چینی جاسوسی جہاز

اروناچل پردیش کے توانگ سیکٹر میں ہندوستانی فوجیوں کے ہاتھوں منہ کی کھانے کے بعد چین کی نیوی کو بھی زوردار جھٹکا دیا گیا ہے۔ دراصل، کچھ دن پہلے بحر ہند علاقے میں داخل ہونے والے چینی سائنسی تحقیقی جہاز یوآن وانگ 5 کو علاقے سے باہر لے جایا گیا ہے۔ یہ اطلاع بحریہ کے ذرائع کے حوالے سے سامنے آئی ہے۔

چینی تحقیقی جہاز کی بحر ہند کے علاقے میں داخل ہونے کے وقت سے ہندوستانی بحریہ نگرانی کر رہی تھی۔ ٹریکنگ اور مانیٹرنگ کے آلات سے لیس یہ جہاز آبنائے سنڈا سے بحر ہند کے علاقے میں آیا تھا۔

ہندوستانی بحریہ رکھ رہی ہے بحر ہند علاقے میں نظر
بحر ہند علاقے میں ہندوستانی بحریہ یہ یقینی بناتی ہے کہ بحریہ اس علاقے میں ایک جامع سمندری ڈومین بیداری کو برقرار رکھے۔ بحریہ کے سربراہ ایڈمرل آر ہری کمار نے اس ماہ کے شروعات میں کہا تھا کہ ہندوستانی بحریہ بحر ہند میں ہونے والی تمام پیشرفت پر گہری نظر رکھے ہوئے ہے، بشمول چینی بحریہ کے جہازوں کی نقل و حرکت، جو خطے میں کام کرتے ہیں۔ انہوں نے کہا تھا کہ تمام سرگرمیوں پر گہری نظر رکھی جا رہی ہے۔ ہم سمندری حدود میں ہندوستان کے مفادات کے تحفظ کے لیے ثابت قدم اور چوکس ہیں۔

یہ بھی پڑھیں:

اروناچل میں سرکار نے شروع کئے کئی ترقیاتی پروجیکٹس، جس نے اڑا رکھی ہے چین کی نیند

یہ بھی پڑھیں:

چین کو ہماری فوج نے پیچھے جانے پرکیا مجبور، توانگ جھڑپ پر لوک سبھامیں راجناتھ سنگھ کا بیان

لکھنئو کا حالیہ ادبی و تہذیبی پس منظر 

میزائلوں اور سیٹلائٹ کو ٹریک کرتا ہے چینی بیڑہ
یوآن وانگ-5 بیڑے کو لے کر چین دعویٰ کرتا ہے کہ یہ ایک تحقیقی بیڑہ ہے، لیکن اس کی سچائی کچھ اور ہی ہے۔ چین کا جاسوسی بیڑہ بیلسٹک میزائل اور سیٹلائٹوں کو ٹریک کرتا ہے۔