اسمبلی انتخابات 2021:کیامغربی بنگال کی سیاست میں ISFلوگوں کادل جیتنے میں ہوگی کامیاب؟
فرفرہ شریف سے ابھر کر آنے والی اس پارٹی پر کئی الزامات لگائے جارہے ہیں لیکن عباس صدیقی نے ان الزامات کو غلط بتاتے ہوئے سماج کے ہر طبقے کو اپنی پارٹی میں نمائندگی دینے کا اعلان کیا ہے اور ڈاکٹر انجینئر و پروفیسرز کو امیدوار بنانے کا فیصلہ کیا ہے۔
- news18 Urdu
- Last Updated: Mar 03, 2021 10:37 PM IST
- Share this:
عباس صدیقی
سیاست میں لمبی ریس کا گھوڑا وہی ہوتا ہے جو اپنی گرفت عوام پر مضبوط رکھنے میں کامیاب ہو۔ بنگال کی سیاست میں پہلی بار چناؤ میں حصہ لے رہی آئی ایس ایف نے سیاست میں انٹری تو دھماکے دار کی یعنی اس جماعت کے ساتھ لوگوں کی بھیڑ تو نظر آرہی ہے لیکن اسے تنقید کا بھی سامنا ہے یہی وجہ ہے کہ آئی ایس ایف نے الیکشن کے لئے امیدواروں کے انتخاب میں پھونک پھونک کر قدم رکھنے کا فیصلہ کیا ہے۔ مغربی بنگال اسمبلی الیکشن کے لئے تاریخوں کا اعلان کردیا گیا ہے برسر اقتدار ترنمول اور بی جے پی پوری طاقت کے ساتھ میدان میں ہے وہیں لفٹ، کانگریس و ائی ایس ایف نے سیاسی اتحاد کے ساتھ ملکر الیکشن لڑنے کا اعلان کیا ہے۔ لفٹ و کانگریس کے ساتھ اتحاد میں آئی ایس ایف کو شامل کئے جانے پر لفٹ و کانگریس کے کئی لیڈران نے تنقید کا نشانہ بنایا ہے۔
ISF Founder, Abbas Siddiqui speaks #Exclusively to @Sougata_Mukh over their alliance with Congress in West Bengal. #BattleForBengal pic.twitter.com/BlZyZWHlq1
— News18 (@CNNnews18) March 3, 2021
فرفرہ شریف سے ابھر کر آنے والی اس پارٹی پر کئی الزامات لگائے جارہے ہیں لیکن عباس صدیقی نے ان الزامات کو غلط بتاتے ہوئے سماج کے ہر طبقے کو اپنی پارٹی میں نمائندگی دینے کا اعلان کیا ہے اور ڈاکٹر انجینئر و پروفیسرز کو امیدوار بنانے کا فیصلہ کیا ہے۔ ذرائع سے ملی خبروں کے مطابق شہر کے جادو پور، پریسڈینسی یونیورسیٹی کے پروفیسرز سے پارٹی رابطہ کررہی ہے یعنی ایسے امیدواروں کو سامنے لانے کی کوشش کی جارہی ہے جو سماج میں علم و ادب کے لئے جانے جاتے ہوں۔ ایسے میں پارٹی کی یہ کوشش ان تنقیدوں کے شور کو ختم کرنے میں کتنی کامیاب ہوگی یہ دیکھنا اہم ہے۔
