ہوم » نیوز » اسپورٹس

بی سی سی آئی صدر سوربھ گنگولی کی طبیعت پھر خراب ، اسپتال میں داخل

بتادیں کہ گزشتہ دنوں بھی سوربھ گنگولی کو ہلکا دل کا دورہ پڑا تھا ، جس کے بعد انہیں اسپتال میں بھرتی کرایا گیا تھا ۔

  • Share this:
بی سی سی آئی صدر سوربھ گنگولی کی طبیعت پھر خراب ، اسپتال میں داخل
Big Breaking: بی سی سی آئی صدر سوربھ گنگولی کی طبیعت پھر خراب ، اسپتال میں داخل

بی سی سی آئی کے صدر اور ہندوستانی کرکٹ ٹیم کے سابق کپتان سوربھ گنگولی کی پھر سے طبیعت خراب ہوگئی ہے اور انہیں بدھ کو اپولو اسپتال میں داخل کرایا گیا ہے ۔ سینے میں درد کی شکایت کے بعد انہیں اسپتال لے جایا گیا ۔ گزشتہ دنوں بھی ہلکا دل کا دورہ پڑنے کی وجہ سے وہ کچھ دنوں تک اسپتال میں بھرتی تھے ۔ دو جنوری کو سینے میں درد کے بعد انہیں کولکاتہ کے پرائیویٹ اسپتال میں بھرتی کرایا گیا تھا ، جہاں وہ تقریبا پانچ دن رہے اور سات جنوری کو انہیں چھٹی دیدی گئی ۔


پچھلی مرتبہ جم میں ورک آوٹ کرتے ہوئے ہارٹ اٹیک آیا تھا اور اینجیوپلاسٹی سے گزرنا پڑا تھا ۔ بی سی سی آئی صدر کو ایک اسٹینٹ لگایا گیا تھا ۔ پچھلی مرتبہ جس اسپتال میں گنگولی بھرتی تھے ، وہاں کے ڈاکٹروں نے بتایا کہ گنگولی کے تین شریانوں میں بلاکیج پایا گیا ، ان میں سے ایک میں 90 فیصدی تک بلاکیج تھی ۔




ووڈلینڈ اسپتال میں تقریبا 13 ڈاکٹروں کی ٹیم ان کا علاج کررہی تھی اور مشہور ماہر امراض قلب ڈاکٹر دیوی شیٹی نے ڈاکٹرس کی ٹیم سے ملنے کے بعد یہاں تک کہا تھا کہ گنگولی بلا ہچکچاہٹ میراتھن میں بھی حصہ لے سکتے ہیں ۔ طیارہ اڑا سکیں گے اور اپنے ہر خواب ، خواہش کو پورا کرسکتے ہیں ۔ اگر وہ چاہیں تو کرکٹ بھی کھیل سکتے ہیں ۔ یہاں تک کہ ایک عام شخص کی طرح ورزش بھی کرسکتے ہیں۔
Published by: Imtiyaz Saqibe
First published: Jan 27, 2021 02:49 PM IST