ہوم » نیوز » مغربی ہندوستان

ممبئی میں مشکوک حالت میں ملی دادر اور نگر حویلی کے رکن پارلیمنٹ کی لاش، خودکشی کا خدشہ

ممبئی میں دادرا اور نگر حویلی کے رکن پارلیمنٹ موہن ڈیلکر کی لاش مشکوک حالت میں برآمد ہوئی ہے۔ لاش سی گرین ہوٹل میں ملی ہے۔ حادثہ کی اطلاع ملتے ہی پولیس مرین ڈرائیو واقع ہوٹل گرین سی میں پہنچ گئی ہے۔

  • Share this:
ممبئی میں مشکوک حالت میں ملی دادر اور نگر حویلی کے رکن پارلیمنٹ کی لاش، خودکشی کا خدشہ
ممبئی میں مشکوک حالت میں ملی دادر اور نگر حویلی کے رکن پارلیمنٹ کی لاش

ممبئی: ممبئی میں دادرا اور نگر حویلی کے رکن پارلیمنٹ موہن ڈیلکر کی لاش مشکوک حالت میں برآمد ہوئی ہے۔ موصولہ اطلاعات کے مطابق، رکن پارلیمنٹ کی لاش سی گرین ہوٹل میں ملی ہے۔ حادثہ کی اطلاع ملتے ہی پولیس مرین ڈرائیو واقع ہوٹل گرین سی میں پہنچ گئی ہے۔ ڈیلکر کی موت کے سبب خودکشی بتائی جارہی ہے۔ رکن پارلیمنٹ کی لاش پوسٹ مارٹم کے لئے بھیج دیا گیا ہے۔ پولیس نے ہوٹل کے کمرے کو سیل کرکے معاملے کی جانچ شروع کردی ہے۔


واضح رہے کہ 58 سال کے ڈیلکر دادر اور نگر حویلی سے رکن پارلیمنٹ تھے۔ گزشتہ 7 بار سے رکن پارلیمنٹ 1989 میں وہ پہلی بار اس حلقے سے پارلیمنٹ پہنچے تھے۔ ڈیلکر نے اپنی سیاسی زندگی کی شروعات ٹریڈ یونین کے لیڈر کے طور پر کی تھی۔ کانگریس اور بی جے پی کے ٹکٹ پر الیکشن لڑ چکے موہن ڈیلکر نے بعد بھارتیہ نوشکتی پارٹی کی تشکیل کی تھی۔




سال 2019 میں موہن ڈیلکر بطور آزاد امیدوار کے طور پر عام انتخابات میں اترے تھے، ان الیکشن میں بھی ڈیلکر نے جیت حاصل کی تھی۔

 
Published by: Nisar Ahmad
First published: Feb 22, 2021 03:36 PM IST