توانگ جھڑپ کے بعد چین سرحد پر تعینات ہوں گے ہلکے زورآور ٹینک! ہندوستانی فوج کی تجویز پر وزارت دفاع کرے گا بات

وزارت دفاع اس ہفتہ کے آخر میں ہونے والی میٹنگ میں چینی سرحد پر تعیناتی کے لیے ہلکے ٹینکوں پر فوج کے ایک اہم تجویز پر بحث کرنے والی ہے۔ سرکاری ذرائع نے اے این آئی کو بتایا کہ وزارت دفاع کی اعلیٰ سطحی میٹنگ میں میک ان انڈیا کے تحت ان میں سے 354 ٹینک خریدنے کے تجویز پر بحث ہوگی۔ ہندوستانی فوج نے اپنے مستقبل کے لائٹ ٹینک کے لیے اسپیسیفکیشن جاری کیے ہیں جسے ’زورآور‘ نام دیا گیا ہے۔

ان ہلکے ٹینکوں کا نام زورآور جنرل کے نام پر رکھا گیا ہے، جس نے تبت میں کئی فتوحات کی قیادت کی اب اس حصے پر چینی فوج کا کنٹرول ہے۔ فوج کے عہدیداروں نے کہا’ لائٹ ٹینک فوج کو میدانی، ریگستانی کے علاوہ اونچائی والے علاقوں، سرحدی علاقوں اور جزائری علاقوں کے ساتھ سبھی ایمرجنسی میں مدد کریں گے۔‘

زورآور ٹینک صرف 25 ٹن وزنی

دراصل، ہندوستانی فوج کے پاس جو فی الحال ٹینک ہیں وہ پلینس اور ریگستان کے لیے ہیں۔ چاہے پھر روسی ٹی-72 ہو یا پھر ٹی-90 یا پھر دیسی ارجن ٹینک۔ یہ سبھی ٹینک 70-45 ٹن کے ہیں۔ جب کہ پروجیکٹ زورآور کے تحت لائٹ ٹینک قریب 25 ٹن کے ہوں گے۔ چین سے لگی ایل اے سی پر تعینات کرنے کے لیے دنیا کے سب سے اونچے درّے سے ہو کر گزرنا پڑتا ہے۔

یہ بھی پڑھیں:

چین سے کشیدگی کے درمیان بی آراو کے تعمیراتی کاموں میں پیشرفت، اروناچل پردیش کے سرحدی ۔۔۔

یہ بھی پڑھیں:

ایسے میں ٹی-72 اور باقی بھاری ٹینکوں کے لیے ایل اے سی پہنچنے میں کافی پریشانی کا سامنا کرنا پڑتا ہے۔ یہی وجہ ہے کہ ہندوستانی فوج ہلکے ٹینک لینا چاہتی ہے۔