உங்கள் மாவட்டத்தைத் தேர்வுசெய்க

    Delhi Budget 2022:آج پیش ہوگا دہلی کا بجٹ، تعلیم، صحت اور ماحولیات کو لے کر ہوسکتے ہیں بڑے اعلان

    آج دہلی حکومت پیش کرے گی بجٹ۔ یہ ہوسکتے ہیں بڑے اعلانات۔

    آج دہلی حکومت پیش کرے گی بجٹ۔ یہ ہوسکتے ہیں بڑے اعلانات۔

    Delhi Budget 2022: دہلی کے وزیر خزانہ منیش سسودیا صبح 11 بجے دہلی کا بجٹ پیش کریں گے۔ پچھلے سال کی طرح اس سال بھی منیش سسودیا ٹیبلیٹ کے ذریعے بجٹ پیش کریں گے، جب کہ تمام ایم ایل ایز کو بجٹ پڑھنے کے لیے ٹیبلیٹ بھی دیے گئے ہیں۔

    • Share this:
      نئی دہلی: Delhi Budget 2022:دہلی حکومت آج ہفتہ کو اسمبلی میں سال 2022-23 کا بجٹ پیش کرے گی۔ دہلی کے وزیر خزانہ منیش سسودیا صبح 11 بجے دہلی کا بجٹ پیش کریں گے۔ پچھلے سال کی طرح اس سال بھی منیش سسودیا ٹیبلیٹ کے ذریعے بجٹ پیش کریں گے، جب کہ تمام ایم ایل ایز کو بجٹ پڑھنے کے لیے ٹیبلیٹ بھی دیے گئے ہیں۔ معلومات کے مطابق اس سال بھی بجٹ میں کیجریوال حکومت مفت اسکیموں کو جاری رکھے گی جس میں مفت بجلی، خواتین کے لیے بسوں میں مفت سفر، مفت پانی اور مفت وائی فائی جیسی سہولیات شامل ہیں۔ اس کے ساتھ ساتھ ہر سال کی طرح حکومت کی بنیادی توجہ تعلیم اور صحت پر رہے گی۔

      تعلیم
      ہر سال کی طرح اس سال بھی کیجریوال حکومت تعلیم کا بجٹ بڑھانے کی کوشش کر سکتی ہے۔ گزشتہ دو سالوں سے کورونا وبا کی وجہ سے ریونیو پر کافی اثر پڑا ہے، اس کے باوجود حکومت نے بجٹ میں کمی نہیں کی۔ بتایا جا رہا ہے کہ اس سال بھی دہلی کے بجٹ میں پچھلے سال کے مقابلے کئی گنا اضافہ کیا جا سکتا ہے۔ جس کا سب سے بڑا حصہ تعلیم کے میدان میں ہی استعمال کرنے کا اعلان کیا جا سکتا ہے۔ پچھلے سال کیجریوال حکومت نے کل 69 ہزار کروڑ کا بجٹ پیش کیا تھا۔

      یہ بھی پڑھیں:
      Delhi: تین میونسپل کارپوریشن کو ایک کردینے والا بل لوک سبھا میں ہوا پیش،ایسا رہے گانیاخاکہ

      صحت
      صحت کی سہولیات میں اضافے کے بعد بھی حکومت بجٹ کا بڑا حصہ صحت کے شعبے میں خرچ کرنے کا اعلان کر سکتی ہے۔ وبا کے بعد، خاص طور پر اس شعبے میں، حکومت مسلسل بہتر کام کرنے کی کوشش کر رہی ہے۔ حکومت کووڈ جیسی وبا کے لیے ہنگامی فنڈ کا منصوبہ بھی تیار کر رہی ہے۔ اس ہنگامی فنڈ کا استعمال اس وقت کیا جا سکتا ہے جب کووڈ جیسی صورت حال دوبارہ پیدا ہو۔

      یہ بھی پڑھیں:
      UP Madarsaمیں طلبا اور اساتذہ کو دیگر دُعاؤں کے ساتھ راشٹریہ گان پڑھنا بھی ہوگا لازمی

      ماحولیات
      حکومت ماحولیات کے حوالے سے کچھ بڑے اعلانات بھی کر سکتی ہے۔ دہلی میں ہر سال بڑھتی ہوئی آلودگی ایک بڑا مسئلہ بن گیا ہے۔ یہی وجہ ہے کہ حکومت ہر سال بجٹ میں ماحولیات کے حوالے سے کچھ خاص اعلانات کرتی رہی ہے۔ ایسے میں توقع کی جا رہی ہے کہ اس سال بھی حکومت بڑھتی ہوئی آلودگی کے مسئلے سے نجات کے لیے بجٹ میں کوئی خاص اعلان کر سکتی ہے۔
      Published by:Shaik Khaleel Farhaad
      First published: