دہلی: جسولہ وہار میٹرو اسٹیشن پر ڈرون گرنے سے مچا ہنگامہ ، کچھ دیر کیلئے روکنی پڑی میٹرو

نئی دہلی : دہلی کے جسولہ وہار میٹرو اسٹیشن پر پر اتوار کو ایک ڈرون گرگیا، جس کی وجہ سے کچھ دیر کیلئے اس روٹ پر میٹرو خدمات بند کردی گئیں ۔ اتوار دوپہر میں تقریبا تین بجے کے آس پاس ڈرون میٹرو اسٹیشن پر گر گیا تھا۔ پولیس نے جب ڈرون کی جانچ کی تو پتہ چلا کہ وہ ایک دوا کمپنی کا ڈرون ہے ۔ اس سے کچھ دوا کے سیمپل بھیجے جارہے تھے ۔ حالانکہ اب اس روٹ پر پھر سے میٹرو خدمات شروع ہوگئی ہیں ۔ پولیس معاملہ کی جانچ کررہی ہے ۔

اس حادثہ کے بعد سیکورٹی وجوہات سے جسولہ وہار شاہین باغ میٹرو اسٹیشن سے بوٹینیکل گارڈن کے درمیان خدمات متاثر رہیں ۔ حالانکہ ڈی ایم آر سی نے بتایا کہ مجینٹا لائن پر خدمات نارمل ہوگئی ہیں ۔ وہیں اس واقعہ کے سلسلہ میں دہلی پولیس نے کہا کہ دوا کمپنی سے ڈرون کے بارے میں جانکاری لی جارہی ہے ۔ ساتھ ہی ڈرون کو اڑانے کی اجازت کے بارے میں بی جانکاری لی جائے گی ۔ ڈرون کے میٹرو روٹ پر گرنے سے میٹرو خدمات متاثر ہوئیں، اس معاملہ میں آگے کی جانچ کی جارہی ہے ۔

یہ بھی پڑھئے: سال 2023 ہندوستانی باکسروں کیلئے بڑے مواقع کرسکتا ہےفراہم، کھلاڑیوں کو ہے امید، جانیےتفصیل

یہ بھی پڑھئے: دہلی: IGI ایئرپورٹ پر چیکنگ کے دوران پولیس نے لوٹ لیا 50 لاکھ کا سونا، 2ہیڈ کانسٹیبل معطل

اس سے پہلے اتوار کو تقریبا ۔۔۔ بجے ڈی ایم آر سی کے ذریعہ ٹویٹ کرکے کہا کہ مسافروں کو پریشانی کا سامنا نہ کرنا پڑے ، اس کے لئے میٹرو آپریشن متاثر ہونے کی جانکاری دی گئی ۔ بتایا گیا کہ سیکورٹی وجوہات سے جسولہ وہار شاہین باغ سے بوٹینیکل گارڈن کے درمیان مجینٹا لائن اپ ڈیٹ سروسیز دستیاب نہیں ہیں ۔ دیگر سبھی لائنوں پر میٹرو نارمل طریقہ سے چل رہی ہے ۔

اس کے تقریبا ایک گھنٹے کے بعد ڈی ایم آر سی نے پھر ٹویٹ کیا اور بتایا کہ میٹرو پھر سے چلنے لگی ہے ۔