Delhi Metro News: ہولی کے دن دہلی میٹرو کے اوقات میں تبدیلی، جانئے کس وقت سے شروع ہوں گی خدمات

نئی دہلی : ہولی کے دن اگر آپ دہلی میٹرو سے سفر کرنے والے ہیں تو یہ خبر آپ کیلئے کافی ضروری ہے ۔ دراصل ہولی کے دن دہلی میٹرو کے اوقات میں تبدیلی کی گئی ہے ۔ دہلی میٹرو ریل کارپویشن سے ملی جانکاری کے مطابق ہولی کے دن یعنی بدھ آٹھ مارچ کو میٹرو خدمات صبح سے لے کر دوپہر ڈھائی بجے تک بند رہیں گی ۔ اس کے بعد خدمات دوپہر ڈھائی بجے کے بعد شروع کردی جائیں گی ۔ ڈی ایم آر اسی کی طرف سے بتایا گیا ہے کہ ریپڈ میٹر / ایئرپورٹ ایکسپریس لائن سمیت دہلی میٹرو کی سبھی لائنیں ڈھائی بجے کے بعد شروع کردی جائیں گی ۔

دہلی میٹرو ریل کارپوریشن کا کہنا ہے کہ آٹھ مارچ کو میٹرو ٹرین خدمات سبھی لائنوں پر ٹرمنل اسٹیشنوں سے دوپہر ڈھائی بھی شروع ہوں گی اور اس کے بعد معمول کے مطابق چلیں گی ۔ اس کے علاوہ میٹر فیڈر بس خدمات بھی آٹھ مارچ کو دوپہر ڈھائی بجے سے شروں ہوں گی ۔

اس کے ساتھ ہی دہلی پولیس نے ہولی منانے کو لے کر گائیڈلائنز بھی جاری کئے ہیں ۔ پولیس کا کہنا ہے کہ تہوار کے دن ہنگامہ کرنے والوں کے خلاف سخت کارروائی کی جائے گی ۔ ادھر ہولی پر ملنے والی ملاوٹی میٹھائی کے خلاف سرکار نے ایک بڑا قدم اٹھایا ہے ۔

فوڈ سیفٹی اینڈ اسٹینڈرڈ اتھاریٹی آف انڈیا نے ہولی کے پیش نظر ریاستی سرکاروں کو ہدایت دی ہے کہ بازاروں میں موبائل فوڈ ٹیسٹنگ وین لگائے جائیں اور نمونوں کی جانچ کی جائے ۔ اب اس کو لے کر دہلی فوڈ سیفٹی محکمہ نے اپنی تیاریاں شروع کردی ہیں ۔ ہر دن 110 سے زیادہ نمونے جمع کئے جارہے ہیں اور ان کی ٹیسٹ بھی ہورہی ہے ۔

یہ بھی پڑھئے: شاہنواز حسین کو دہلی ہائی کورٹ سے راحت، آبروریزی معاملہ میں FIR درج کرنے کا حکم رد

یہ بھی پڑھئے: تریپورہ : پھر وزیراعلی بنیں گے مانک ساہا، 8 مارچ کو لیں گے حلف، میٹنگ میں فیصلہ

دہلی پولیس الرٹ پر

دہلی پولیس کی اسپیشل سیل نے سبھی 15 پولیس اضلاع کو جاری ایک مشورہ میں انہیں سات آٹھ مارچ کی درمیانی رات میں بائیک پر اسٹنٹ کرنے والوں کو روکنے کیلئے مذہبی رہنماوں کے ساتھ ساتھ مقامی رضاکاروں کی مدد لینے کی ہدایت دی ہے ۔ اس میں ماضی میں پیش آئے واقعات کا حوالہ بھی دیا گیا ہے ۔