پٹرول- ڈیزل کی قیمتوں میں ایک بار پھر تخفیف، جانیں آج کیا ہے قیمت

بین الاقوامی بازار میں مسلسل سستے ہورہے خام تیل کا اثر ہندوستان میں بھی پٹرول اور ڈیزل کی قیمتوں پر نظر آرہا ہے ۔ جمعہ کو دہلی میں پٹرول 17 پیسے سستا ہوگیا ۔ وہیں اس دوران ڈیزل کی قیمت بھی 14 پیسے کم ہوگئی ۔ راجدھانی دہلی میں آج ایک لیٹر پٹرول خریدنے کیلئے 69.55  روپے خرچ کرنے ہوں گے تو وہیں ڈیزل کے لئے 63.62 روپیے خرچ کرنے ہوں گے۔

خیال رہے کہ بین الاقوامی سطح پر گزشتہ کچھ دنوں سے خام تیل کی قیمت میں مسلسل گراوٹ درج کی جارہی ہے، جس کی وجہ سے پٹرول اور ڈیزل بھی سستا ہورہا ہے۔ آپ کو بتادیں کہ لیبیا کی جانب سے خام تیل کی پیداوار میں اضافہ ہوا ہے ، اس لئے بین الاقوامی سطح پر قیمت میں 40 فیصد تک کی کمی دیکھنے کو مل رہی ہے۔ اکتوبر میں خام تیل 84 ڈالر فی بیرل تھا جو کہ اب 58 ڈالر فی بیرل ہوگیا ہے۔

آج کی نئی قیمتیں

دہلی

پٹرول:  69.55 روپے فی لیٹر

ڈیزل: 63.62 روپے فی لیٹر

ممبئی

پٹرول: 75.18 روپئے فی لیٹر

ڈیزل: 66.57 روپئے فی لیٹر