اسکول پرنسپل کو ڈرانے دھمکانے کے معاملہ میں اے اے پی ممبر اسمبلی عبد الرحمان قصوروار قرار

نئی دہلی : دہلی کی راوز ایوینیو کورٹ نے عام آدمی پارٹی کے ممبر اسمبلی عبد الرحمان کو 2009 میں ایک سرکاری اسکول کے پرنسپل کو مجرمانہ طور پر ڈرانے ، دھمکانے اور مار پیٹ کرنے کا قصوروار ٹھہرایا ہے۔ عبد الرحمان پر الزام تھا کہ انہوں نے اور ان کی اہلیہ نے سال 2009 میں ایک اسکول پرنسپل کو جان سے مارنے کی دھمکی دیتے ہوئے نازیبا الفاظ کہے تھے اور انہیں ڈیوٹی کرنے سے بھی روک دیا تھا ۔ عدالت نے اپنے فیصلوں میں لکھا کہ ان دونوں نے ایک ہی مقصد سے پرنسپل کے ساتھ لڑائی جھگڑا کیا تھا ۔



عام آدمی پارٹی کے ممبر اسمبلی کی بیوی پر دفعہ 332 کے تحت جرم ثابت ہوا ہے ۔ حالانکہ ایف آئی آر میں لکھے گئے چشم دید گواہوں میں سے ایک نے بھی بیان درج نہیں کرایا ہے ۔ یہ واقعہ چار فروری کا بتایا جارہا ہے جبکہ معاملہ کی ایف آئی آر پانچ فروری کو درج کی گئی تھی ۔

یہ بھی پڑھئے: خاتون پہلوانوں کے الزامات پر تشکیل نگرانی کمیٹی کی جانچ بے نتیجہ، پولیس کو سونپی رپورٹ

یہ بھی پڑھئے: آنند موہن کی رہائی کا معاملہ پہنچا سپریم کورٹ، جی کرشنیا کی بیوی نے داخل کی عرضی

عام آدمی پارٹی کے ممبر اسمبلی عبد الرحمان پر ایک خاتون سے چھیڑ چھاڑ اور مار پیٹ کا بھی الزام ہے ۔ یہ معاملہ مارچ 2021 کا ہے ۔ خاتون نے عبد الرحمان کے خلاف جعفر آباد تھانہ میں تحریر دی تھی، جس پر پولیس نے کیس درج کرلیا تھا۔