உங்கள் மாவட்டத்தைத் தேர்வுசெய்க

    Delhi News: این سی آر کو ملے گی جام سے نجات، 15دنوں میں شروع ہو جائے گا آشرم انڈر پاس

    Delhi News: این سی آر کو ملے گی جام سے نجات، 15دنوں میں شروع ہو جائے گا آشرم انڈر پاس

    Delhi News: این سی آر کو ملے گی جام سے نجات، 15دنوں میں شروع ہو جائے گا آشرم انڈر پاس

    دہلی این سی آر کے لوگوں کے لیے ایک بڑی خوشخبری ہے۔ آشرم چوک پر جاری انڈر پاس کا تعمیراتی کام اب آخری مرحلے میں ہے جو 15 روز میں مکمل ہو جائے گا اور اس انڈر پاس کو 22 مارچ سے ٹریفک کے لیے کھول دیا جائے گا۔

    • Share this:
    نئی دہلی : دہلی این سی آر کے لوگوں کے لیے ایک بڑی خوشخبری ہے۔ آشرم چوک پر جاری انڈر پاس کا تعمیراتی کام اب آخری مرحلے میں ہے جو 15 روز میں مکمل ہو جائے گا اور اس انڈر پاس کو 22 مارچ سے ٹریفک کے لیے کھول دیا جائے گا۔ پیر کو نائب وزیر اعلیٰ منیش سسودیا نے پی ڈبلیو ڈی کے افسران کے ساتھ انڈر پاس کے تعمیراتی کاموں کا جائزہ لیا۔ اس کے ساتھ نائب وزیر اعلیٰ نے آشرم فلائی اوور کے زیر تعمیر کاموں اور پرگتی میدان کے قریب بنائے جا رہے انڈر پاس کا بھی جائزہ لیا۔

     

    یہ بھی پڑھئے : دہلی حکومت نے منڈکا اور سونیا وہار میں زیر زمین پانی کے دو بڑے ذخائر کا کیا افتتاح


    اس موقع پر سسودیا نے کہا کہ گزشتہ سال کورونا کے سبب لاک ڈاؤن کی وجہ سے آشرم انڈر پاس کے تعمیراتی کام کو کئی بار روکنا پڑا تھا۔ جس سے انڈر پاس کی تکمیل میں تاخیر ہوئی لیکن اب انڈر پاس کی تعمیر کا کام آخری مراحل میں ہے اور 15 روز میں مکمل کر لیا جائے گا۔ انہوں نے کہا کہ 22 مارچ سے اس انڈر پاس کو ٹریفک کے لیے کھول دیا جائے گا جس سے روزانہ لاکھوں افراد مستفید ہوں گے۔

     

    یہ بھی پڑھئے : دہلی کے پاش علاقہ میں چل رہا تھا غیر ملکی لڑکیوں کا Sex Racket، وہاٹس ایپ سے ہورہا تھا پورا کھیل، 5 گرفتار


    نائب وزیر اعلیٰ اور پی ڈبلیو ڈی کے وزیر منیش سسودیا نے افسران کے ساتھ پرگتی میدان سے نظام الدین کے درمیان آشرم فلائی اوور اور چل رہے انڈر پاس کے تعمیراتی کاموں کا جائزہ لیا اور متعلقہ افسران کو ہدایت دی کہ تعمیراتی کاموں کو تیزی سے مکمل کیا جائے تاکہ لوگ جلد از جلد ان سڑکوں کا استعمال کر سکیں۔ سسودیا نے کہا کہ آئی ٹی او، رنگ روڈ، مرکزی سیکرٹریٹ، انڈیا گیٹ، وسطی دہلی جانے کے لیے روزانہ لاکھوں لوگ ان راستوں کا استعمال کرتے ہیں۔ اس کو مدنظر رکھتے ہوئے یہاں تعمیراتی کام جلد مکمل کر لیا جائے گا۔

    انہوں نے بتایا کہ آشرم فلائی اوور کی تعمیر کا کام اگست تک مکمل کر لیا جائے گا اور دہلی حکومت اور مرکزی حکومت کے تعاون سے بنایا جا رہا پرگتی میدان انڈر پاس مئی کے مہینے تک مکمل ہو جائے گا۔
    Published by:Imtiyaz Saqibe
    First published: