پانچ سالوں میں سب سے سرد رہا اتوار، 7.9 ڈگری سیلسیس رہا کم از کم درجہ حرارت

دارالحکومت میں سرد دن بہ دن ریکارڈ بنا رہی ہے۔ اسی ضمن میں اتوار کا دن پانچ سالوں میں سب سے سرد درج کیا گیا۔ کم از کم درجہ حرارت سے دو سیلسیس گر کر 7.9 ڈگری درج کیا گیا۔ اس سے پہلے سال 2017 میں کم از کم درجہ حرارت آٹھ ڈگری سیلسیس پہنچا تھا۔ وہیں، کل اتوار کو کم از کم درجہ حرارت سیزن میں دوسری مرتبہ آٹھ ڈگری سیلسیس سے نیچے گر گیا ہے۔ گزشتہ دنوں ٹمپریچر 7.8 ڈگری سیلسیس درج کیا گیا تھا۔

ماہرین موسمیات کے مطابق، پہاڑوں کی جانب سے یعنی شمال-مغربی سمت سے آنے والی سرد ہوائیں میدانی علاقوں میں سردی بڑھا رہی ہیں۔ یہی وجہ ہے کہ دہلی۔این سی آر میں سردی کا احساس بھی بڑھ رہا ہے۔ ماہرین کا کہنا ہے کہ اس ہفتہ سے موسم میں تبدیلی آئے گی اور زیادہ سے زیادہ اور کم از کم درجہ حرارت میں کمی ہوگی، جس سے صبح و شام کے اوقات میں وہیں دن میں بھی سردی کا احساس بڑھے گا۔

ماہر موسمیات مہیش پلاوت کا کہنا ہے کہ ان دنوں دن میں کہر ریکارڈ نہیں کیا جارہا ہے۔ آئندہ دنوں میں درجہ حرارت کے کم ہونے کے ساتھ کہر بھی بڑھے گا اور دن میں بھی کہر چھایا رہے گا۔ اس وجہ سے سردی کا زیادہ اثر محسوس کیا جائے گا۔

یہ بھی پڑھیں:
’کانگریس نےدہشت گردوں کےبجائےمجھ پرحملہ کیا‘ پی ایم مودی نےگجرات ریلی میں کیاجوابی حملہ

یہ بھی پڑھیں:
چوتھے دن بھی چاندنی چوک میں لگی آگ پر قابو پانا مشکل، فائر فائٹرز کی کوشش جاری

آئندہ 24 گھنٹوں میں صبح کہر چھانے کا امکان ہے۔ حالانکہ، دن بھر دھوپ نکلی رہے گی اور زیادہ سے زیادہ درجہ حرارت 27 و کم از کم درجہ حرارت 8 ڈگری سیلسیس تک درج کیا جاسکتا ہے۔ محکمہ کا اندازہ ہے کہ اس ہفتہ سے زیادہ اور کم از کم درجہ حرارت میں گراوٹ آئے گی۔ اسی ضمن میں زیادہ سے زیادہ درجہ حرارت گر کر 26 و کم از کم درجہ حرارت گر کر 7 ڈگری سیلسیس تک درج کیے جانے کا امکان ہے۔