உங்கள் மாவட்டத்தைத் தேர்வுசெய்க

    SSC Scam: ارپتا مکھرجی کے ایک اور ٹھکانے پر ای ڈی کی دبش، 20 کروڑ کیش اور تین کلو سونا ملا

    SSC Scam: ارپتا مکھرجی کے ایک اور ٹھکانے پر ای ڈی کی دبش، 20 کروڑ کیش اور تین کلو سونا ملا ۔ تصویر : ANI

    SSC Scam: ارپتا مکھرجی کے ایک اور ٹھکانے پر ای ڈی کی دبش، 20 کروڑ کیش اور تین کلو سونا ملا ۔ تصویر : ANI

    Bengal SSC Scam: بنگال ٹیچرس بھرتی گھوٹالہ میں انفورسمنٹ ڈائریکٹوریٹ نے ارپتا مکھرجی کے ایک اور ٹھکانے پر چھاپہ ماری کی ہے ۔ بتایا جارہا ہے کہ اس جگہ بھی اب تک بیس کروڑ روپے برآمد کئے جاچکے ہیں اور گنتی جاری ہے ۔

    • News18 Urdu
    • Last Updated :
    • West Bengal | Kolkata [Calcutta] | Kolkata
    • Share this:
      کولکاتہ : بنگال ٹیچرس بھرتی گھوٹالہ میں انفورسمنٹ ڈائریکٹوریٹ نے ارپتا مکھرجی کے ایک اور ٹھکانے پر چھاپہ ماری کی ہے ۔ بتایا جارہا ہے کہ اس جگہ بھی اب تک بیس کروڑ روپے برآمد کئے جاچکے ہیں اور گنتی جاری ہے ۔ ای ڈی ذرائع نے اس کی جانکاری دی ہے ۔ اس سے پہلے ای ڈی نے جنوبی کولکاتہ میں واقع ارپتا مکھرجی کے گھر پر چھاپہ ماری کرکے بیس کروڑ روپے اور زیورات برآمد کئے تھے ۔ ارپتا مکھرجی ، بنگال سرکار میں وزیر پارتھ چٹرجی کی قریبی ہیں ۔ دونوں کو انفورسمنٹ ڈائریکٹوریٹ نے بنگال ٹیچرس بھرتی گھوٹالہ میں گرفتار کیا ہے ۔

       

      یہ بھی پڑھئے: ED نے کھولے ارپتا مکھرجی اور پارتھ چٹرجی کے درمیان کے کئی راز، دونوں کا تھا یہ پلان


      ای ڈی نے تازہ چھاپہ ماری ارپتا مکھرجی کی بیل گھاریا ٹاون کلب میں واقع ٹھاکنے پر کی ۔ ای ڈی کے افسران کے مطابق شمالی پرگنہ میں بیل گھاریا کلب ٹاون اور ارپتا مکھرجی کی ماں کے فلیٹ اور دیگر تین مقامات پر آج کارروائی کی گئی ۔


      یہ بھی پڑھئے: کون ہیں ارپتا مکھرجی، جن کے گھر سے ملے 20 کروڑ روپئے؟ ممتا بنرجی کے وزیر سے کیا ہے رشتہ؟


      بتادیں کہ انفورسمنٹ ڈائریکٹوریٹ کے ذریعہ مغربی بنگال کے وزیر پارتھ چٹرجی اور ان کی قریبی ساتھی ارپتا مکھرجی کے درمیان کے کئی راز بھی بے نقاب ہو رہے ہیں۔ ای ڈی کی جانچ میں یہ بات سامنے آئی ہے کہ ارپتا اور پارتھ چٹرجی کی جائیداد کی جوائنٹ سیل ڈیڈ ہے۔ یہ سیل ڈیڈ چھاپے کے دوران ملی ہے ۔ مشترکہ نام سے سیل ڈیڈ سے یہ پتہ چلتا ہے کہ دونوں مشترکہ طور پر جائیداد خرید رہے تھے۔

      ای ڈی کے مطابق پارتھ چٹرجی کے گھر سے ارپتا مکھرجی کی جائیداد کے دستاویزات ملے ہیں۔ اس کے علاوہ ای ڈی کو پارتھ چٹرجی اور ارپتا مکھرجی کے مشترکہ اثاثوں سے متعلق دستاویزات بھی ملے ہیں۔ یہ پراپرٹی پارتھ نے 2012 میں خریدی تھی۔
      Published by:Imtiyaz Saqibe
      First published: