ہوم » نیوز » مشرقی ہندوستان

کیرکٹر سرٹیفکیٹ دینے میں سشیل کمار مودی کا کوئی ثانی نہیں: پرشانت کشور

پرشانت کشور نے ٹوئٹر پر جے ڈی یو کے قومی صدر نتیش کمار کے خلاف بی جے پی کے سینئر لیڈر سشیل مودی کا ایک ویڈیو اور اب ان کی حمایت میں دئیے گئے بیان کو پوسٹ کرکے کہا ’’لوگوں کو کریکٹر سرٹیفکیٹ دینے میں سشیل کمار مودی جی کا کوئی ثانی نہیں ہے۔

  • UNI
  • Last Updated: Jan 25, 2020 03:04 PM IST
  • Share this:
کیرکٹر سرٹیفکیٹ دینے میں سشیل کمار مودی کا کوئی ثانی نہیں: پرشانت کشور
کیرکٹر سرٹیفکیٹ دینے میں سشیل کمار کا کوئی ثانی نہیں: پرشانت کشور

پٹنہ۔ بہار میں حکمراں جنتا دل متحدہ (جے ڈی یو) کے لیڈر اور انتخابی پالیسی ساز پرشانت کشور نے آج ایک بار پھر نائب وزیر اعلی سشیل کمار مودی پر طنز کرتے ہوئے کہا کہ کیرکٹر سرٹیفکیٹ دینے میں سشیل مودی کا کوئی ثانی نہیں ہے۔ پرشانت کشور نے ٹوئٹر پر جے ڈی یو کے قومی صدر نتیش کمار کے خلاف بی جے پی کے سینئر لیڈر سشیل مودی کا ایک ویڈیو اور اب ان کی حمایت میں دئیے گئے بیان کو پوسٹ کرکے کہا ’’لوگوں کو کریکٹر سرٹیفکیٹ دینے میں سشیل کمار مودی جی کا کوئی ثانی نہیں ہے۔ دیکھئے پہلے بول کر بتا رہے تھے اور اب نائب وزیر اعلی بنا دئیے گئے تو لکھ کر دے رہے ہیں۔ ان کی كرونولوجي بھی بالکل واضح ہے۔ جے ڈی یو لیڈر کی جانب سے پوسٹ کردہ ویڈیو جس میں راشٹریہ جنتا دل (آر جے ڈی) کے ساتھ نتیش کمار کے حکومت بنانے کے بعد مودی کہہ رہے ہیں’’نتیش کمار اپنے آپ کو بہار کا مترادف سمجھنے لگے ہیں۔



وہ خود کو سابق وزیر اعظم اندرا گاندھی کی طرح ’اندرا بھارت ہے اور بھارت اندرا‘ نتیش بہار ہے اور بہار نتیش تو اب وہ زمانہ چلا گیا ہے۔ نتیش کے ڈی این اے میں خیانت ہے، فراڈ ہے۔ انہوں نے جیتن مانجھی کو 17 سال کی دوستی کے بعد بی جے پی کو اور بہار کے لوگوں کے مینڈیٹ کو دھوکہ دیا۔ اس شخص نے شیوانند تیواری، جارج فرنانڈیز سے لے کر لالو یادو تک کے ساتھ دھوکہ کیا ہے۔ یہ دھوکہ اور فراڈ نتیش کمار کا ڈی این اے ہے نہ کہ بہار کے لوگوں کا‘‘۔

وہیں کشور نے مودی کے دو دن پہلے کئے گئے اس ٹوئٹ کو بھی پوسٹ کیا، جس میں کہا گیا’’نتیش کمار جی کے ساتھ یہ ستم ظریفی اکثر ہوتی ہے کہ اپنی وسیع القلبی سے جن کو فرش سے اٹھا کر عرش پر بٹھاتے ہیں وہی ان کے لئے مصیبت بننے لگتے ہیں۔ انہوں نے کسی کو اپنی کرسی دی، کتنوں کو راجیہ سبھا کا رکن بنوایا، کسی کو غیر سیاسی گلیوں سے اٹھا کر تنظیم میں اونچا عہدہ دے دیا لیکن ان میں سے کچھ لوگوں نے تھینکس لیس ہونے سے گریز نہیں کیا۔ سیاست میں بھی ہمیشہ سب جائز نہیں ہوتا‘‘۔

قابل غور ہے کہ پارلیمنٹ کے دونوں ایوانوں میں شہریت ترمیمی بل (سی اے بی) کو جے ڈی یو کی حمایت دینے پر کھل کر ناراضگی جتانے کے بعد اب قومی شہریت رجسٹر (این آر سی) اور قومی آبادی رجسٹر (این پی آر) کی مخالفت کر رہے پرشانت کشور کسی نہ کسی بہانے سشیل مودی کے نشانے پر ہیں۔

اس سے قبل بھی سشیل مودی نے گزشتہ سال 30 دسمبر کو کشور پر حملہ بولا اور کہا تھا’’سال 2020 کے بہار اسمبلی الیکشن وزیر اعظم نریندر مودی اور وزیر اعلی نتیش کمار کی قیادت میں لڑا جانا طے ہے۔ سیٹوں کے تال میل کا فیصلہ دونوں پارٹیوں کی اعلی قیادت وقت پر کرے گی۔ کوئی مسئلہ نہیں ہے۔ لیکن جو لوگ کسی نظریے کے تحت نہیں بلکہ انتخابی ڈیٹا جمع کرنے اور نعرہ گڑھنے والی کمپنی چلاتے ہوئے سیاست میں آ گئے ہیں ، وہ گٹھ بندھن دھرم کے خلاف بیان بازی کر کے مخالفین کو فائدہ پہنچانے میں لگے ہیں۔ ایک فائدہ مند دھندے میں لگی شخصیت پہلے اپنی خدمات کے لئے مارکیٹ تیار کرنے میں لگاتی ہے، ملک کے مفاد کی فکر بعد میں کرتی ہے۔
First published: Jan 25, 2020 03:02 PM IST
corona virus btn
corona virus btn
Loading